- 2020-07-01 10:59:46
- ព័ត៌មាន
Salah ចង់បន្តនៅលេងជាមួយហង្សក្រហម ឲ្យបានយូរជាងនេះទៀត
- 2020-07-01 10:59:46
- ចំនួនមតិ 0 | ចំនួនចែករំលែក 0
Salah ចង់បន្តនៅលេងជាមួយហង្សក្រហម ឲ្យបានយូរជាងនេះទៀត
ចន្លោះមិនឃើញ
ខ្សែប្រយុទ្ធក្លឹប Liverpool កីឡាករ Mohamed Salah បាននិយាយប្រាប់សារព័ត៌មាន BeIN Sports កាលពីពេលថ្មីៗនេះថា ខ្លួនសប្បាយចិត្តជាមួយហង្សក្រហមណាស់ ហើយប៉ងប្រាថ្នាចង់បន្តនៅទីនេះឲ្យបានយូរតទៀត។
កីឡាករអេហ្ស៊ីបរូបនេះបានលើកឡើងថា៖ " ខ្ញុំមិនប្រាប់ពីអារម្មណ៍របស់ខ្ញុំបានទេ ក្រោយពេលយើងឈ្នះលីគលើកដំបូងក្នុងរយៈពេល ៣០ឆ្នាំ។ ខ្ញុំសប្បាយចិត្តណាស់ ខ្ញុំស្រលាញ់កន្លែងនេះ ហើយសង្ឃឹមថាបន្តលេងឲ្យបានយូរតទៀត " ។
Salah បានបន្តថា៖ " យើងយល់ចិត្តគ្នាល្អណាស់ក្នុងលក្ខណៈជាក្រុម។ ប្រសិនបើទឹកចិត្តនេះនៅបន្ត យើងនឹងបន្តឈ្នះពានផ្សេងៗទៀត។ តែយ៉ាងណា វាពិបាកណាស់ក្នុងការរក្សាឲ្យបាននូវទម្រង់បែបនេះ " ។
តាំងពីរួមរស់ជាមួយ Liverpool ចាប់ពីឆ្នាំ២០១៧មក Salah បង្ហាញខ្លួនបាន ១៤៥ដង ហើយរកគ្រាប់បាល់បាន ៩២គ្រាប់៕