- 2020-06-26 09:33:06
- បាល់ទាត់
Pep៖ វាមិនងាយស្រួលទេ ក្នុងការវាយប្រហារ Chelsea
- 2020-06-26 09:33:06
- ចំនួនមតិ 0 | ចំនួនចែករំលែក 0
Pep៖ វាមិនងាយស្រួលទេ ក្នុងការវាយប្រហារ Chelsea
ចន្លោះមិនឃើញ
បើនិយាយពីការប្រយុទ្ធ Pep Guardiola ថាក្រុម Man City ល្អ ប៉ុន្តែវាមិនងាយស្រួលទេក្នុងការវាយប្រហារក្រុម Chelsea។ យ៉ាងណាលោកទទួលស្គាល់ លទ្ធផលចាញ់ក្រុមតោខៀវ ២-១ យប់មិញ ដោយសារលោកបាត់បង់កីឡាករខ្លះ ហើយកូនក្រុមលោកបានបង្កើតកំហុសធ្ងន់ធ្ងរ។
Pep បញ្ជាក់ ៖“បើនិយាយពីការប្រយុទ្ធយើងល្អ តែវាមិនងាយស្រួលក្នុងការប្រយុទ្ធលើក្រុម Chelsea ឡើយ។ យើងបាត់ខ្សែការពារកណ្ដាល Company ហើយ Laporte របួសនៅរដូវកាលនេះ។ ជាអកុសលយើងបានបង្កើតកំហុសជាមួយក្រុមខ្លាំង។ វាមិនងាយស្រួលឡើយ"។
បើទោះចាញ់ Chelsea ២-១ ពិតតែអតីតអ្នកចាត់ការក្រុម Barcelona សប្បាយចិត្តនឹងទម្រង់លេងរបស់កូនក្រុម។
លោក Pep ក៏បានសារភាពលោកពិតជាចង់ឈ្នះ Premier League ហើយការប្រជែងយកពានបនេះ ពីមួយឆ្នាំទៅមួយឆ្នាំ ជាការដណ្ដើមយ៉ាងលំបាក ហើយលោកក៏មិនដែលគិតថានឹងឈ្នះវារហូតដែរ។ Pep បានអបអរដល់ Liverpool ដែលបានឈ្នះពានលីគកំពូលអង់គ្លេស ក្រោយរង់អស់រយៈពេល៣០ឆ្នាំត្រឹម។ យ៉ាងណាអ្វីដែលលោកផ្ដោតសំខាន់បំផុតនៅពេលនេះ គឺ FA Cup និង UCL។
“អបអរសាទរដល់ Liverpool អ្នកគាំទ្ររបស់ពួកគេ អ្នកចាត់ការ និងកីឡាករទាំងអស់។ ពួកគេពិតជាស័ក្ដិសម ពួកគេជាជើងឯកដ៏ល្អ។ ឥឡូវនេះយើងសល់៥ឬ៦សប្ដាហ៍ទៀតដើម្បីលេង ប៉ុន្តែ FA Cup គឺសំខាន់ណាស់ ហើយយើងចាំបាច់ត្រូវតែមានឈ្មោះលេងពាន UCL ដូច្នេះយើងត្រូវរៀបចំខ្លួនដើម្បីស្វាគម Madrid"។ Pep បញ្ជាក់។
ក្រុម Man City ត្រូវជួបជាមួយ Newcaslt ក្នុងពាន FA Cup នៅថ្ងៃច័ន្ទ ទី២៩ ខែមិថុនា ឆ្នាំ២០២០ ចំណែក UCL គឺបានមកដល់វគ្គ១៦ក្រុមចុងក្រោយហើយ ដោយជើងទីមួយ Man City បានយកឈ្នះម្ចាស់ផ្ទះ Real Madrid ២-១៕