- 2020-06-22 07:13:38
- បាល់ទាត់
Barcelona សង្ឃឹមច្រើន តកុងត្រា Messi ដល់ឆ្នាំ២០២៣ តែលក្ខខណ្ឌ១នៅដដែល
- 2020-06-22 07:13:38
- ចំនួនមតិ 0 | ចំនួនចែករំលែក 0
Barcelona សង្ឃឹមច្រើន តកុងត្រា Messi ដល់ឆ្នាំ២០២៣ តែលក្ខខណ្ឌ១នៅដដែល
ចន្លោះមិនឃើញ
ក្រុម FC Barcelona មានសង្ឃឹមច្រើនក្នុងការបន្ដកុងត្រាថ្មីឱ្យ Lionel Messi ទៀត ដល់ឆ្នាំ២០២៣ខាងមុខ ក្រោយពីមានក្លឹបមួយចំនួនចេះតែមករកចរចារហូត។
Messi នៅសល់កុងត្រាដល់ឆ្នាំ២០២១ ប៉ុន្តែនៅចប់រដូវកាលនេះ ក្រុម Barcelona ចាប់ផ្ដើមនិយាយបន្ដកុងត្រា២ឆ្នាំទៀតហើយដល់ឆ្នាំ២០២៣។ កុងត្រាថ្មីលើកនេះដែរ ប្រភពនៅអេស្ប៉ាញបានបញ្ជាក់ថានឹងមិនមានការតំឡើងប្រាក់ឈ្នូលទៀតនោះទេ តែលក្ខខណ្ឌពិសេសមួយគឺត្រូវរក្សាដដែល។ លក្ខខណ្ឌនោះ គឺគ្រប់ចប់មួយរដូវកាល Messi អាចសម្រេចចិត្តចាកចេញពី Barcelona ប្រសិនណាបើរូបគេលែងចង់លេងឱ្យក្រុម Barcelona ហើយ។
លក្ខខណ្ឌនេះដែរ គឺជាចំណុចពិសេសមួយលើកុងត្រារបស់កីឡាករអាហ្សង់ទីន ដែលមិនចងខ្លួនឯងឱ្យជាប់តាមតែការបញ្ជារបស់ក្លឹបនោះទេ។ ដោយឡែកសម្រាប់ប្រាក់ឈ្នួលវិញ គឺអាចរក្សាដដែល ៥សែនផោនក្នុង១សប្ដាហ៍។ ដោយតម្លៃពលកម្មនេះ គឺខ្ពស់ជាងគេបំផុតប្រចាំក្រុមអ្នកមានបុណ្យ៕
