- 2020-06-17 07:38:03
- ប្រដាល់
ឈិត សេរីវណ្ណថង ទិញដីតម្លៃ ១១ ០០០ដុល្លារ បានលុយពីប្រដាល់សុទ្ធ
- 2020-06-17 07:38:03
- ចំនួនមតិ 0 | ចំនួនចែករំលែក 0
ឈិត សេរីវណ្ណថង ទិញដីតម្លៃ ១១ ០០០ដុល្លារ បានលុយពីប្រដាល់សុទ្ធ
ចន្លោះមិនឃើញ
អ្នកប្រដាល់ជើងខ្លាំងដើមកំណើតពីខេត្តបាត់ដំបង ឈិត សេរីវណ្ណថង ថារូបដីដែលខ្លួនបានបង្ហោះនោះទិញក្នុងតម្លៃ ១១ ០០០ដុល្លារ ដែលបានមកពីការសន្សំប្រាក់រង្វាន់ និងតម្លៃខ្លួនពេលឡើងប្រកួតតាំងពីឆ្នាំ ២០១៨ មកម្ល៉េះ។
សេរីវណ្ណថង បានឲ្យដឹងថា ដីដែលទិញនេះគឺតាំងពីចុងឆ្នាំ ២០១៩ មកម្ល៉េះគឺមានទទឹម ២៨ម៉ែត្រ បណ្ដោយ ៤០ម៉ែត្រ នៅក្បែរផ្ទះដែលខ្លួនរស់នៅបច្ចុប្បន្ននេះតែម្ដង។ បើនិយាយពីលុយដែលទិញដីនេះវិញគឺកូនប្រុសលោក ឈុត សេរី រូបនេះបានបញ្ជាក់ថា បានសន្សំមកពីការប្រកួតខ្សែក្រវាត់នៅសង្វៀនអាស៊ីអាគ្នេយ៍ជាមួយ ឡុង ជិន មកម្ល៉េះ។
អ្នកប្រដាល់វ័យក្មេងខាងលើបន្តប្រាប់ទៀតថា វ៉ៃផ្ដាច់ព្រ័ត្រជាមួយ ឡុង ជិន បានលេខ២ ទទួលប្រាក់រង្វាន់ ៣០០០ដុល្លារ បន្ទាប់មកទៀតលេងពាន ISI នៅសង្វៀន CNC បានលេខ១ ទទួលបានប្រាក់ ៦០០០ដុល្លារ រួចមកវ៉ៃជាមួយ អេលីត សាន់ ឈ្នះពានលោក ម៉ា សេរី បាន ១០០០ដុល្លារ បូកនិងប្រាក់ប្រកួតមិត្តភាពនានាក៏សម្រេចទិញដីនេះបានតែម្ដង។ បើគិតពីរយៈពេលវិញគឺចុងឆ្នាំ ២០១៨ ដល់ចុងឆ្នាំ ២០១៩ អាចថាប្រហែល១ឆ្នាំបន្តិចបន្តួច។
ឈិត សេរីវណ្ណថង ជាអ្នកប្រដាល់វ័យក្មេងមកពីខេត្តបាត់ដំបង។ បច្ចុប្បន្នជាសិស្សគុននៅក្នុងក្លឹបរ៉ាហ៊ូកីឡាខេត្តបាត់ដំបង។ កីឡាកររូបនេះជាម្ចាស់ពានរង្វាន់លេខ១ ISI ទម្ងន់ ៥៧គីឡូក្រាមនៅឯសង្វៀន CNC ៕