- 2020-06-17 04:22:21
- ព័ត៌មាន
ការប្រកួតកីឡាអេឡិចត្រូនិចបែបថ្មី មានអ្នកមើលតាមអនឡាញ ច្រើនហួសការស្មាន!
- 2020-06-17 04:22:21
- ចំនួនមតិ 0 | ចំនួនចែករំលែក 0
ការប្រកួតកីឡាអេឡិចត្រូនិចបែបថ្មី មានអ្នកមើលតាមអនឡាញ ច្រើនហួសការស្មាន!
ចន្លោះមិនឃើញ
កម្មវិធីប្រណាំងរថយន្តលំដាប់ពិភពលោក LE MANS 24 Hours Virtual គាំទ្រដោយសម្បកកង់មីឆែលីន (Michelin) ដែលប្រព្រឹត្តិទៅកាលពីថ្ងៃទី១៣ និងទី១៤ ខែមិថុនាចុងសប្ដាហ៍កន្លងទៅ បានទទួលជោគជ័យយ៉ាងខ្លាំង ដោយមានអ្នកទស្សនាតាមទំព័រហ្វេសប៊ុក Michelin ដល់ទៅជិត ១លាន views។
ការប្រណាំងបែបអេឡិចត្រូនិចនេះជាការប្រកួតបែបសិប្បនិម្មិតមែន តែវាហាក់ដូចជាការប្រកួតពិតៗ ហើយអ្នកអាចស្វែងយល់កាន់តែច្បាស់ពី eGame។ រថយន្តទាំងអស់ ដែលនឹងចូលរួមប្រណាំងក្នុងកម្មវិធីដ៏អស្ចារ្យនេះ នឹងត្រូវបំពាក់សំបកកង់ មីឆែលីន។ ការប្រកួតឆ្លុះបញ្ចាំង ពីគុណភាព សុវត្ថិភាព និងភាពជាប់ធន់នៃសំបកកង់មីឆែលីន ដែលធ្វើឲ្យក្រុមការងារ និងអ្នកបើកបរមានទំនុកចិត្តក្នុងការប្រកួត។
មីឆែលីន បានដើរតួនាទី និងចូលរួមយ៉ាងសំខាន់នៅក្នុងកម្មវិធីប្រណាំងរថយន្ត Le Mans 24 Hours Virtual ដើម្បីធ្វើឲ្យកម្មវិធីនេះ កាន់តែអស្ចារ្យ និងបង្ហាញពី rFactor 2 platform ដែលជំរុញ និងបង្កើតឲ្យមានការផលិតសំបកកង់រថយន្តដែលមានភាពស្វិត ជាប់ធន់ខ្លាំង សម្រាប់ការប្រណាំងពិតប្រាកដ រយៈពេលយូរ។
ដោយសារតែសំបកកង់ គឺជាកត្តាសំខាន់ក្នុងការប្រណាំង ទើបមីឆែលីន បានធ្វើការជាមួយក្រុមការងារប្រណាំង ដោយសិក្សាយ៉ាងម៉ត់ចត់ទៅលើកត្តាផ្សេងៗ និងស្វែងរកយុទ្ធសាស្រ្ដសមស្របក្នុងការគិតគូរដល់ពេលវេលា និងអាកាសធាតុ ដោយសារតែជាធម្មតា ការជ្រើសរើសសំបកកង់ដែលល្អ ត្រូវតាមកាលៈទេសៈ អាចធ្វើឲ្យមានភាពខុសគ្នាដ៏ធំ នៅក្នុងការប្រណាំង។
លោក Matthieu Bonardel នាយកផ្នែកក្រុមហ៊ុនម៉ូតូស្ពតមីឆែលីន បានឲ្យដឹងថា មីឆែលីន កំពុងតែវិនិយោគប្រកបដោយប្រសិទ្ធភាព និងពង្រីកវិសាលភាពក្នុងវិស័យកីឡា និងការប្រណាំងអេឡិចត្រូនិច (eGAME) ដែលសមស្របនឹងទស្សនៈវិស័យ ជាក្រុមហ៊ុនផលិតសំបកកង់ដែលឈានមុខគេ និងជាទម្រង់ដែលឆ្លុះបញ្ចាំងពីចរិកលក្ខណៈ និងតួនាទីនៃសំបកកង់សម្រាប់ការប្រកួតពិតៗ។ លោកក៏បានបញ្ជាក់បន្ថែមផងដែរថា គុណភាព និងភាពជាប់ធន់យូរអង្វែង គឺជាគុណតម្លៃស្នូលរបស់មីឆែលីន ក្នុងផលិតផលសំបកកង់ដែលមានគុណភាពខ្ពស់ និងមានភាពជាប់ធន់ខ្លាំង សម្រាប់ការប្រណាំងប្រភេទនេះ និងប្រភេទ rFactor។
ការផ្ដល់ជូននូវគុណភាព សុវត្ថិភាពរហូតដល់សឹករិលរបស់សំបកកង់មីឆែលីន ជាមូលដ្ឋានគ្រឹះយ៉ាងសំខាន់សម្រាប់មីឆែលីន និងជានិម្មិតសញ្ញានៃសំបកកង់ដែលអាចប្រើប្រាស់ទាំងក្នុង និងក្រៅការប្រកួត។
ប្រិយមិត្តដែលមិនទាន់បានទស្សនា អាចទស្សនាបានខាងក្រោមនេះ៖
អំពីក្រុមហ៊ុន Michelin
ជាក្រុមហ៊ុនផលិតសម្បកកង់ឈានមុខគេ។ Michelin ប្ដេជ្ញាចិត្តក្នុងការធ្វើឲ្យប្រសើរឡើងនូវការធ្វើដំណើររបស់អតិថិជន រក្សានិរន្តរភាព រចនា និងចែកចាយនូវសម្បកកង់រថយន្តដែលស័ក្ដិសមបំផុត សេវាកម្ម និងដំណោះស្រាយតាមតម្រូវការរបស់អតិថិជន ផ្ដល់នូវសេវាកម្មឌីជីថល ការបង្ហាញផ្លូវ និងផ្ដល់ការណែនាំឆ្ពោះទៅបង្កើនផាសុកភាពនៅពេលធ្វើដំណើរ ព្រមទាំងផ្ដល់នូវបទពិសោធន៍ដ៏ពិសេសអស្ចារ្យ ក៏ដូចជាបង្កើតសម្ភារប្រកបដោយបច្ចេកវិទ្យាខ្ពស់ ដែលបម្រើឲ្យវិស័យជាច្រើនទៀតផងដែរ។ ក្រុមហ៊ុន Michelin មានទីស្នាក់ការកណ្ដាលនៅ Clermont-Ferrand ប្រទេសបារាំង ហើយក្រុមហ៊ុនមានប្រតិបត្តិការចែកចាយសម្បកកង់នៅក្នុង ១៧០ប្រទេស មានបុគ្គលិកបម្រើការជាង ១២៥០០០នាក់ និងមានរោងចក្រផលិតសម្បកកង់ចំនួន ៦៧រោងចក្រ ដែលរោងចក្រទាំងអស់នេះ បានផលិតសម្បកកង់រថយន្តសរុបប្រមាណ ១៩០លានកង់ នៅក្នុងឆ្នាំ ២០១៨។ សំបកកង់មីឆែលីន ត្រូវបាននាំចូល និងចែកចាយផ្ដាច់មុខដោយក្រុមហ៊ុន វើលដ៍ប្រីដ ត្រេដឌីង ខូ អិលធីឌី ដែលជាតំណាងចែកចាយផ្លូវការគ្រប់ផលិតផលសំបកកង់របស់មីឆែលីននៅក្នុងប្រទេសកម្ពុជា៕