- 2020-06-10 02:45:50
- បាល់ទាត់
គ្រូ Barcelona បញ្ជាក់ថា Messi នឹងអាចចូលលេងបានទល់នឹង Mallorca សប្ដាហ៍នេះ
- 2020-06-10 02:45:50
- ចំនួនមតិ 0 | ចំនួនចែករំលែក 0
គ្រូ Barcelona បញ្ជាក់ថា Messi នឹងអាចចូលលេងបានទល់នឹង Mallorca សប្ដាហ៍នេះ
ចន្លោះមិនឃើញ
អ្នកចាត់ការរបស់ក្លឹប Barcelona លោក Quique Setien បាននិយាយថា ខ្សែប្រយុទ្ធ Lionel Messi ជាពេញលេញអាចលេងបានទល់នឹង Real Mallorca នៅថ្ងៃសៅរ៍សប្ដាហ៍នេះ។
កន្លងទៅមានការព្រួយបារម្ភជាច្រើនអំពី Messi ថាអាចលេងបានឬអត់ឲ្យ Barcelona នៅប្រកួតដំបូងដែល La Liga ចាប់ផ្ដើមវិញ បន្ទាប់ពីមានរបួសសាច់ដុំពេលហ្វឹកហាត់។ និយាយទាក់ទិននឹងកីឡាករសញ្ជាតិអាហ្សង់ទីនលោក Setien បានបញ្ជាក់ថា៖ "ពួកយើងគ្មានអ្វីសង្ស័យនោះទេចំពោះការបង្ហាញខ្លួនលេងរបស់ Messi ទល់នឹង Mallorca”។
សម្រាប់ខ្សែប្រយុទ្ធ Luis Suarez ក៏នឹងអាចត្រលប់មកកាន់ទីលានជាលើកដំបូងវិញដែរ ចាប់តាំងពីធ្វើការវះកាត់ជង្គង់កាលពីខែមករា ប៉ុន្តែ Setien មិនទាន់ច្បាស់ថាអាចលេងជាជ្រើសរើសដំបូងឬយ៉ាងណា។ នៅសប្ដាហ៍នេះ Barcelona នឹងត្រូវធ្វើដំណើរទៅជួប Mallorca ដែលត្រូវលេងម៉ោង៣:០០នាទីទៀបភ្លឺ៕