- 2020-06-09 03:00:54
- បាល់ទាត់
ក្នុងនាមជាអ្នកចាត់ការ United លោក Ole ថានឹងមិនទិញកីឡាករអន់អន់ឡើយ
- 2020-06-09 03:00:54
- ចំនួនមតិ 0 | ចំនួនចែករំលែក 0
ក្នុងនាមជាអ្នកចាត់ការ United លោក Ole ថានឹងមិនទិញកីឡាករអន់អន់ឡើយ
ចន្លោះមិនឃើញ
Ole Gunnar Solskjaer បានឱ្យដឹងលោកនឹងមិនទិញកីឡាករអន់ៗទេ (Rotten Apples) ក្នុងនាមជាអ្នកចាត់ការក្រុម Man Utd និងទទូចថាការចុះហត្ថលេខាយកកីឡាករថ្មីនាពេលខាងមុខ នឹងបង្ហាញពីបុគ្គលិកលក្ខណៈរបស់លោក។
លោក Solskjaer បានចុះកុងត្រាយក Harry Maguire, Daniel James និង Aaron Wan-Bissaka ក្នុងរដូវក្ដៅដំបូងរបស់លោក ដើម្បីសម្រួចក្រុមជាពិសេសយុវជនអង់គ្លេស។
បន្ថែមលើនេះខ្សែបម្រើសញ្ជាតិព័រទុយហ្គាល់ Bruno Fernandes បានទៅកាន់ទឹកដី Old Trafford ពី Sporting Lisbon កាលពីខែមករា និងបន្ទាប់មកខ្សែប្រយុទ្ធសញ្ជាតិនីហ្សេរីយ៉ា Odion Ighalo មកពីចិនក្នុងលក្ខខណ្ឌខ្ចីជើង។ វត្តមានកីឡាករទាំងពីរូបក្នុងទឹកដីអង់គ្លេស កាន់តែធ្វើឱ្យ Man Utd ទទួលបានការចាប់អាម្មណ៍ខ្លាំងក្នុងរដូវកាលនេះ ហើយក្រុមបិសាចក្រហម ក៏ត្រូវបានគេភ្ជាប់គ្រោងនឹងនាំយកកីឡាករក្នុងស្រុក និងបរទេសមានទេពកោសល្យជាច្រើនទៀតនារដូវក្ដៅខាងមុខ។
បើទោះបីជាជំងឺកូរ៉ូណាជះឥទ្ធិពលអាក្រក់ខ្លាំង ដល់ទឹកលុយទិញដូរកីឡាករក្នុងឆ្នាំនេះ លោក Solskjaer បានឱ្យដឹងថាកីឡាករដែល Man Utd នឹងទិញនាពេលអនាគត គឺទិញតាមគោលការណ៍របស់ក្លឹប (Club's Philosophy)។
អតីតកីឡាករ United បានសង្កត់ធ្ងន់ ៖«ខ្ញុំមានអារម្មណ៍ថាខ្ញុំជាកីឡាករអាជីព ហើយមានអារម្មណ៍ថាសំណាង ដែលលេងឱ្យ Manchester United។ ខ្ញុំមិនអាចមើលខ្លួនឯងឃើញទេ បើខ្ញុំមិនដឹងថាអ្វី ដែលខ្ញុំគួរឱ្យអ្វីទៅកាន់មិត្តរួមក្រុម និងអ្នកចាត់ការរបស់ខ្ញុំ។ នោះជាអ្វីដែលខ្ញុំឥឡូវ ស្វែករកកីឡាករបែបនេះ ដើម្បីចុះកុងត្រា និងជាកីឡាករ ដែលយើងត្រូវយកចេញពីឈុតយុវជន។ អ្នកត្រូវតែមានបុគ្គលិកលក្ខណៈល្អ ព្រោះផ្លែប៉ោងក្នុងកន្ទ្រក់ស្អុយរលួយមួយ នោះនឹងរលួយទាំងអស់»។
អ្នកចាត់ការសញ្ជាតិណ័រវេសវ័យ៤៧ឆ្នាំបានបន្ថែម បើកីឡាករណាចង់លេងនៅ Man Utd ជំហានដំបូងពួកគេត្រូវចេះដាក់ខ្លួន ប្រឹងប្រែង មិនត្រូវបោះបង់ ខំឱ្យអស់សមត្ថភាព១០០% និងមិនត្រូវគិតថាអ្នកល្អជាងគេឡើយ៕