- 2020-06-09 02:06:05
- ប្រដាល់
ចូលនិវត្តន៍មិនបានប៉ុន្មានថ្ងៃផង Floyd បបួល McGregor វាយគ្នាដើម្បីផ្ដល់មេរៀនម្ដងទៀត
- 2020-06-09 02:06:05
- ចំនួនមតិ 0 | ចំនួនចែករំលែក 0
ចូលនិវត្តន៍មិនបានប៉ុន្មានថ្ងៃផង Floyd បបួល McGregor វាយគ្នាដើម្បីផ្ដល់មេរៀនម្ដងទៀត
ចន្លោះមិនឃើញ
ជើងខ្លាំងរបស់អាមេរិក Floyd Mayweather បានហៅ Conor McGregor ប្រកួតគ្នាម្ដងទៀត បន្ទាប់ពីតារារបស់ UFC រូបនេះប្រកាសចូលនិវត្តន៍។
McGregor វ័យ៣១ឆ្នាំ បានធ្វើឲ្យអ្នកគាំទ្រកីឡាករ MMA លើពិភពលោកភ្ញាក់ផ្អើលខ្លាំងកាលពីថ្ងៃអាទិត្យ ពេលដែលគេបង្ហោះសារលើបណ្ដាញសង្គមប្រកាសឈប់ប្រកួតតទៅទៀត។ មូលហេតុដែល McGregor សម្រេចចិត្តបែបនេះដោយសារតែធុញនឹងការប្រកួត ហើយការប្រជែងគ្នានៅ UFC លែងធ្វើឲ្យគេភ្ញាក់ផ្អើលទៀតហើយ។
កាលពីខែឧសភា McGregor ធ្លាប់ប្រាប់ Mike Tyson ថា គេអាចប្រកួតឈ្នះ Floyd ប្រសិនបើមានការសងសឹកម្ដងទៀត។ ចំណុចបានធ្វើឲ្យ Floyd ហ៊ានបបួល Conor ប្រកួតម្ដងទៀតដោយសរសេរថា៖ “ប្រសិនបើយើងមិនច្រឡំទេ មែនឯងប្រាប់ Mike Tyson ថាឯងអាចយកឈ្នះយើង ប្រសិនបើមានការប្រកួតទី២? តែពេលនេះឯងឈប់បាត់។ យើងគិតថាឯងចង់យកអ្នកកីឡាករល្អជាងគេ? ល្អណាស់! ប្រសិនបើឯងសម្រេចត្រឡប់មកវិញ យើងរងចាំដើម្បីផ្ដល់មេរៀនម្ដងទៀត"។
Mayweather ធ្លាប់បានយកឈ្នះ Conor កាលពីឆ្នាំ២០១៧ ដោយបញ្ចប់ត្រឹមទឹក១០ ដែលជាការឈ្នះលើកទី៥០ក្នុងអាជីពរបស់ខ្លួន៕