- 2020-05-19 01:56:56
- បាល់ទាត់
Alex Song ទម្លាយថា ខ្លួនផ្ទេរទៅ Barcelona ព្រោះចង់ក្លាយជាសេដ្ឋី
- 2020-05-19 01:56:56
- ចំនួនមតិ 0 | ចំនួនចែករំលែក 0
Alex Song ទម្លាយថា ខ្លួនផ្ទេរទៅ Barcelona ព្រោះចង់ក្លាយជាសេដ្ឋី
ចន្លោះមិនឃើញ
Alex Song បានទម្លាយថា គេមិនបានគិតម៉ត់ចត់អំពីការចាកចេញពី Arsenal ទៅកាន់ Barcelona ក៏ព្រោះតែឃើញលុយធំនៅនឹងមុខ និងចង់ក្លាយជាសេដ្ឋី។
កីឡាករសញ្ជាតិកាមេរ៉ូនបានធ្វើការផ្ទេរពីទីក្រុងឡុងដ៏ទៅកាន់ក្រុងកាតាឡាន់ក្នុងតម្លៃខ្លួន១៥លានផោនកាលពីរដូវក្ដៅឆ្នាំ២០១២ បន្ទាប់ពីចំណាយពេល៦ឆ្នាំនៅ Arsenal។ ការផ្ទេរទៅកាន់ប្រទេសអេស្ប៉ាញនេះ Song កើនប្រាក់ឈ្នួលដែលធ្លាប់បាននៅ Arsenal ៥៥ ០០០ក្នុងមួយសប្ដាហ៍ ឡើងដល់៧ម៉ឺនផោននៅ Barcelona។
ពេលនេះកីឡាករវ័យ៣២ឆ្នាំដែលត្រូវក្រុម FC Soin នៅលីគរបស់របស់ស្វីសបណ្ដេញចេញកាលពីខែមីនាដោយសារតែបដិសេធមិនព្រមកាត់ប្រាក់ឈ្នួលព្រោះតែវិបត្តិកូរ៉ូណា បានពន្យល់ពីមូលហេតុដែលខ្លួនចេញពីកាំភ្លើងធំ។
“ខ្ញុំបានជួបនាយកផ្នែកកីឡាកររបស់ Barca ហើយគេបានប្រាប់ខ្ញុំថា ពេលទៅអេស្ប៉ាញគឺមិនសូវបានលេងច្រើនទេ។ ប៉ុន្តែពេលនោះខ្ញុំមិនខ្វល់អ្វីទេ។ ខ្ញុំបានត្រឹមតែដឹងថា ខ្ញុំនឹងក្លាយជាសេដ្ឋីម្នាក់។ ពេលដែល Barcelona ដាក់សំណើលើកិច្ចសន្យារបស់ខ្ញុំ ខ្ញុំឃើញទំហំទឹកប្រាក់ដែលពួកគេឲ្យ។ ខ្ញុំក៏មិនគិតច្រើនបានយល់ព្រមតែម្ដង"។