/5ebaa61779a7f_1589290500_medium.jpg)
- 2020-05-12 13:48:02
- ព័ត៌មាន
កីឡាករ Man Utd ពីររូប ពេលហាត់សុខៗ ត្រូវម្ចាស់តារាងស្នើឲ្យចេញ
- 2020-05-12 13:48:02
- ចំនួនមតិ 0 | ចំនួនចែករំលែក 0
កីឡាករ Man Utd ពីររូប ពេលហាត់សុខៗ ត្រូវម្ចាស់តារាងស្នើឲ្យចេញ
ចន្លោះមិនឃើញ
ខ្សែការពារក្លឹប Manchester United ពីររូបគឺកីឡាករ Arson Wan Bissaka និងកីឡាករ Timothy Fosu Mensah ត្រូវបានបុគ្គលិកនៃមហាវិទ្យាល័យមួយនៅឯប្រទេសអង់គ្លេសស្នើឲ្យចាកចេញ បន្ទាប់ពីពួកគេបានទៅហាត់បាល់នៅកន្លែងនោះ កាលថ្ងៃច័ន្ទម្សិលមិញនេះ។
បើតាមបុគ្គលិកនៅឯមហាវិទ្យាល័យបាននិយាយទៅកាន់ HOP IT ថាមូលហេតុដែលកីឡាករទាំងពីរខាងលើ ត្រូវបានស្នើឲ្យចាកចេញបែបនេះ ដោយសារតែពួកគេមិនទទួលបានការអនុញ្ញាតឲ្យហ្វឹកហាត់នៅទីនោះឡើយ។
ការស្នើឲ្យការពារទាំងពីរខាងលើចាកចេញនេះ អាចមកពីបម្រាមគម្លាតសង្គមរបស់រដ្ឋាភិបាលអង់គ្លេស ដាក់ចេញដើម្បីបង្ការជំងឺកូវីដ-១៩។
ចំណែកឯ Bissaka និង Fosu Mensah ប្រហែលជាច្រឡំបទបញ្ជាថ្មីរបស់រដ្ឋាភិបាល មានប្រសិទ្ធភាពចាប់ពីថ្ងៃពុធទៅ ដែលអនុញ្ញាតឲ្យចេញក្រៅផ្ទះ ជាមួយមនុស្សម្នាក់ទៀតនៅផ្ទះផ្សេងពីគ្នា។
គួរបញ្ជាក់ផងដែរថា ការប្រកួតនិងការហ្វឹកហាត់នៅក្នុង Premier League ត្រូវបានផ្អាកមួយរយៈមកហើយដោយសារតែជំងឺកូវីដ-១៩ ទោះជាយ៉ាងណាក្ដីចំពោះការហ្វឹកហាត់នៅក្នុងលីគកំពូលនេះ អាចនឹងត្រលប់មកវិញនៅក្នុងខែនេះ៕
