ទីបំផុត Haaland ឆ្លើយតបនឹង ការឌឺដងរបស់កីឡាករ PSG ហើយ

2020-05-01 11:03:44
ព័ត៌មាន

2020-05-01 11:03:44
ចំនួនមតិ 0 | ចំនួនចែករំលែក 0

ចន្លោះមិនឃើញ

កំឡុងប្រកួត UEFA Champions League វគ្គ ១៦ក្រុមចុងក្រោយរវាងក្លឹប Paris Saint-Germain និងក្លឹប Dortmund ក្រុមកីឡាករនៃក្លឹបយក្សបារាំងបាននាំគ្នា ធ្វើត្រាប់តាមក្បាច់អបអរគ្រាប់បាល់របស់ខ្សែប្រយុទ្ធន័រវែស Erling Braut Haaland។

ទាក់ទិននឹងរឿងនេះដែរ ម្ចាស់សាមីខ្លួនទើបតែបញ្ចេញយោបល់កាលពីពេលថ្មីៗនេះ ដោយថា ខ្លួនមិនរវីរវល់នឹងសកម្មភាពរបស់ក្រុមកីឡាករ PSG ទាំងអស់នោះឡើយ ហើយថែមទាំងបោះសំដីថា សកម្មភាពរបស់ពួកគេគឺលើកតម្កើងការសមាធិទៅវិញទេ។

កីឡាកររូបនេះបាននិយាយថា៖ " ខ្ញុំគិតថា ពួកគេ [កីឡាករ PSG] ជួយខ្ញុំបានច្រើនណាស់ ដើម្បីផ្សព្វផ្សាយពីវប្បធម៌ក្នុងការសមាធិ ទៅកាន់ពិភពលោកទាំងមូល ហើយដើម្បីបង្ហាញថាការសមាធិមានសារៈសំខាន់ណាស់ ហើយខ្ញុំអរគុណខ្លាំងណាស់ ដែលបានជួយខ្ញុំ " ។

គួរបញ្ជាក់ផងដែរថា កាលពីប៉ុន្មានថ្ងៃមុនប្រកួតរវាង PSG និង Dortmund មានរូប Snapchat មួយ ដែលអះអាងថាជារបស់ Haaland បានសរសេរជាអក្សរថា៖ "ទីក្រុងប៉ារីសជាទីក្រុងរបស់ខ្ញុំ មិនមែនរបស់អ្នកទេ"។ ដោយសារតែរូបនេះ ទើបកីឡាករ PSG នាំគ្នាធ្វើត្រាប់សមាធិតាម Haaland ក្រោយពី PSG ឈ្នះ Dortmund ក្នុងលទ្ធផល ២-០៕