- 2020-04-26 09:19:06
- បាល់ទាត់
Spurs ឡើងសង្វៀនប្រជែងយក Rakitic របស់ Barcelona
- 2020-04-26 09:19:06
- ចំនួនមតិ 0 | ចំនួនចែករំលែក 0
Spurs ឡើងសង្វៀនប្រជែងយក Rakitic របស់ Barcelona
ចន្លោះមិនឃើញ
Tottenham Hotspur បានចូលរួមប្រជែងដណ្ដើមយក Ivan Rakitic ក្រោយខ្សែប្រើកណ្ដាលរូបនេះ កំពុងពិចារណាស្វែងរកក្លឹបថ្មី។
Rakitic ជាផ្នែកជោគជ័យមួយរបស់ក្លឹបអ្នកមានបុណ្យ បន្ទាប់ចេញពីក្លឹប Sevilla ក្នុងឆ្នាំ២០១៤ ប៉ុន្តែរដូវកាលនេះ គេមិនសូវបានលេងឡើយ ដោយតួនាទីរបស់គេត្រូវបានអតីតកីឡាករ Ajax ទើបមករដូវក្ដៅមុន Frenkie De Jong ដណ្ដើមយក។
ក្នុងសប្ដាហ៍នេះ កីឡាករសញ្ជាតិក្រូអាត ត្រូវបាន Barcelona ប៉ុនប៉ងប្រើជាកីឡាករមួយបន្ថែមទម្ងន់ ដើម្បីយក Neyamr ពី PSG។ តាមការចុះផ្សាយរបស់ Daily Mai ខ្សែបម្រើ Rakitic បានសម្ដែងការឈឺចាប់ និងលើកឡើងថា មិនឱ្យក្លឹបប្រជែងរបស់ Real Madrid ទុកគេដូចបាវដំឡូងឡើយ និងចង់កន្លែងថ្មីដែលគោរពគេ។
ផ្អែកតាម Mundo Deportivo ក្រុមមាន់ខ្នាយមាស Tottenham ជាក្លឹបចុងក្រោយគេដែលចាប់អារម្មណ៍លើ Rakitic ស្របពេលលោក Jose Mourinho កំពុងស្វែងរកជម្រើសខ្សែបម្រើ។ យ៉ាងណាអ្នកចាត់ការរហស្សនាម Special One អាចប្រឈមនឹងការប្រជែងជាមួយ Atletico Madrid, Juventus, Sevilla និង Napoli ដើម្បីយកកីឡាករវ័យ៣២ឆ្នាំ។
កុងត្រារបស់ Ivan Rakitic នៅសល់១ឆ្នាំទៀតប៉ុណ្ណោះនៅកីឡាដ្ឋាន Camp Nou ចំណែកគ្រូបង្វឹកលោក Quique Setien បានឱ្យដឹងរូបគេអាចលេងឱ្យ Barcelona បាន បើគេបន្តនៅជាមួយក្លឹប៕