- 2020-04-12 03:49:35
- បាល់ទាត់
Mbappe ស្ទើរតែព្រមទៅ Real Madrid ហើយ មុនផ្ទុះ Covid-19
- 2020-04-12 03:49:35
- ចំនួនមតិ 0 | ចំនួនចែករំលែក 0
Mbappe ស្ទើរតែព្រមទៅ Real Madrid ហើយ មុនផ្ទុះ Covid-19
ចន្លោះមិនឃើញ
អតីតកីឡាករ PSG ម្នាក់ បានបង្ហើបថា Mbappe ក្បែរនឹងសម្រេចចិត្តផ្លាស់ទៅលេងនៅ Real Madrid ទៅហើយ មុនពេលផ្ទុះឡើងនៃមេរោគ Covid-19 នៅប្រទេសបារាំង។
លោក Jerome Rothen បានមើលឃើញថា Mbappe នឹងមិនព្រមបន្ដកុងត្រាជាមួយក្រុម PSG នោះទេ។ បើទោះជាពេលនេះ រូបគេមិនទាន់ផ្លាស់ទៅលេងនៅក្រុម Real Madrid មែន ប៉ុន្តែវាគ្រាន់តែជារឿងមុននិងក្រោយប៉ុណ្ណោះ ព្រោះខ្សែប្រយុទ្ធបារាំងរូបនេះ ក្នុងចិត្តមានក្រុមអធិរាជសស្រាប់ទៅហើយ។ ដោយមុនផ្ទុះមេរោគ Covid-19 នេះ រូបគេសឹងតែនិយាយថា Ok ក្នុងការផ្លាស់ទៅលេងនៅក្រុមរបស់លោក Zidane ហើយ។
កីឡាករវ័យ២១ឆ្នាំនេះ ផ្លាស់ពីក្រុម Monaco មក PSG ក្នុងតម្លៃខ្លួន១៣០លានផោន។ រូបគេរកបាន៩០គ្រាប់ និងបញ្ជូនបាល់ឱ្យមិត្តរួមក្រុមបាន៤៩គ្រាប់ទៀត ក្នុងការបង្ហាញខ្លួន១២០ប្រកួត។ យ៉ាងណាមិញ ការមិនឈ្នះបានរង្វាន់ UEFA Champions League គឺជាបញ្ហាធំដែលក្រុម PSG ពិបាករារាំង Mbappe ចាកចេញ។ កីឡាករជម្រើសជាតិបារាំងរូបនេះ ចង់ឈ្នះ UCL ដើម្បីមានឱកាសឈ្នះពានរង្វាន់ផ្ទាល់ខ្លួនធំៗទៅថ្ងៃអនាគត៕
