- 2020-04-03 03:05:43
- បាល់ទាត់
Modric គ្រោងស្នាក់នៅ Real Madrid រហូតដល់អស់កុងត្រាខ្លួនតែម្ដង
- 2020-04-03 03:05:43
- ចំនួនមតិ 0 | ចំនួនចែករំលែក 0
Modric គ្រោងស្នាក់នៅ Real Madrid រហូតដល់អស់កុងត្រាខ្លួនតែម្ដង
ចន្លោះមិនឃើញ
ខ្សែបម្រើ Luka Modric បានបញ្ជាក់ថារូបគេចង់បន្ដលេងឱ្យក្រុម Real Madrid រហូតដល់អស់កុងត្រាដែលនៅសល់តែម្ដង មិនមានចិត្តចង់ចាកចេញទៅណានោះទេ។
Modric វ័យ៣៤ឆ្នាំ និងកំពុងមានកុងត្រានៅសល់ដល់ឆ្នាំ២០២១ខាងមុខ។ មានដំណឹងជាច្រើនជឿជាក់ថារូបគេអាចនឹងចាកចេញនារដូវក្ដៅនេះហើយ ក្រោយពីក្លឹបមិនទាន់មានការចរចាតកុងត្រាអ្វីទៀត ហើយក្លឹបជាច្រើនដូចជា Inter Milan ជាដើម ចង់បានរូបគេជាយូរមកហើយ។ តែបើតាមការបញ្ជាក់របស់សាមីខ្លួនវិញ រូបគេគ្មានចិត្តចង់ទៅណានោះទេ។
កីឡាករក្រូអាតនេះ បញ្ជាក់ថានៅសល់កុងត្រាដល់ឆ្នាំ២០២១ នោះរូបគេនឹងនៅលេងឱ្យក្រុម Real Madrid នេះដល់ឆ្នាំ២០២១ ទើបគិតពីអនាគតទៀត។ Modric ជឿជាក់ថារូបគេមិនទាន់ធ្លាក់ជើងនោះទេ ដូច្នេះ១រដូវកាលនៅសល់ទៀត គឺអាចលេងបានគ្មានបញ្ហាឡើយ។
ការមិនព្រមបន្ដកុងត្រាឱ្យនេះ គឺដោយសារតែក្រុម Real Madrid មើលឃើញកីឡាករក្មេងៗជាច្រើននាក់ដែលសុទ្ធតែមានសមត្ថភាពអាចប្រើការបាន។ ជាក់ស្ដែង យុវជន Martin Odegaard របស់ខ្លួនកំពុងលេងល្អមែនទែន ក្នុងក្របខណ្ឌខ្ចីជើងនៅក្រុម Real Sociedad ។ នៅរដូវកាលថ្មីខាងមុខ Zidane អាចនឹងយករូបគេមកវិញក៏ថាបាន៕