- 2020-04-01 06:28:41
- ព័ត៌មាន
បឹងកេត សម្រេចកាត់ប្រាក់ខែកីឡាករ ៥០% អំឡុងពេលកូវីដ១៩ វាយលុក
- 2020-04-01 06:28:41
- ចំនួនមតិ 0 | ចំនួនចែករំលែក 0
បឹងកេត សម្រេចកាត់ប្រាក់ខែកីឡាករ ៥០% អំឡុងពេលកូវីដ១៩ វាយលុក
ចន្លោះមិនឃើញ
មិនខុសពីក្លឹបបាល់ទាត់ធំៗមួយចំនួនលើលោកនោះទេ ក្លឹបបាល់ទាត់បឹងកេតរបស់កម្ពុជា ក៏បានសម្រេចកាត់បន្ថយប្រាក់ខែកីឡាករផងដែរ អំឡុងពេលជំងឺកូវីដ១៩ រាតត្បាត ពោលគឺកាត់បន្ថយចំនួនពាក់កណ្ដាល នៃប្រាក់ខែកីឡាករមួយរូបៗ។
លោក បែ មករា អ្នកចាត់ការទូទៅក្លឹបជើងឯកលីគកំពូលកម្ពុជា ៣សម័យ បានប្រាប់ Sabay ថា៖ "ក្នុងស្ថានភាពដែលសេដ្ឋកិច្ចពិភពលោកកំពុងជួបផលប៉ះពាល់ខ្លាំង ទាំងក្លឹបយើង និងក្លឹបគេ គឺមានការប៉ះពាល់ដូចគ្នា ដូច្នេះហើយទើបយើងសម្រេចឯកភាពគ្នាជួយក្លឹបក្នុងស្ថានភាពដ៏លំបាកមួយនេះ ដើម្បីរួមចំណែកឲ្យក្លឹបអាចបន្តនិរន្តរភាព។ យើងព្រមព្រៀងកាត់បន្ថយប្រាក់បៀវត្សចំនួន ៥០ភាគរយ ដើម្បីជួយក្លឹប"។
សូមបញ្ជាក់ថា ក្លឹបបាល់ទាត់ធំៗលើលោកមួយចំនួន ក៏បានសម្រេចកាត់បន្ថយប្រាក់កម្លាំងពលកម្មកីឡាករផងដែរ អំឡុងពេលដែលការប្រកួតត្រូវបានផ្អាកដោយសារកូវីដ១៩ ដូចជាក្លឹប Barcelona, Atletico Madrid និង Juventus ជាដើម។
គិតត្រឹមថ្ងៃទី១ ខែមេសានេះ ករណីឆ្លងវីរុសកូវីដ១៩ បានកើនឡើងដល់ជាង ៨០ម៉ឺនករណីទូទាំងពិភពលោក ដែលក្នុងនោះ មានអ្នកស្លាប់ជាង ៤ម៉ឺននាក់ និងជាស្បើយជាង ១៧ម៉ឺននាក់។ ចំណែកនៅកម្ពុជា មាន ១០៩ករណី មិនមានអ្នកស្លាប់នោះទេ និងមានអ្នកជាសះស្បើយ ចំនួន ២៥នាក់៕