- 2020-03-25 01:10:21
- បាល់ទាត់
Messi, CR7 និង Lewandowski បរិច្ចាគលុយសរុបចូលគ្នា៣,២លានដុល្លារជួយដល់ពេទ្យផ្សេងៗគ្នា
- 2020-03-25 01:10:21
- ចំនួនមតិ 0 | ចំនួនចែករំលែក 0
Messi, CR7 និង Lewandowski បរិច្ចាគលុយសរុបចូលគ្នា៣,២លានដុល្លារជួយដល់ពេទ្យផ្សេងៗគ្នា
ចន្លោះមិនឃើញ
ក្នុងយុទ្ធនាការប្រឆាំងនឹងវីរុសកូរ៉ូណាកីឡាករបាល់ទាត់លំដាប់កំពូល៣នាក់រួមមាន Lionel Messi, Cristiano Ronaldo និង Robert Lewandowski បានបរិច្ចាគប្រាក់សរុបរួមគ្នា៣លានអឺរ៉ូ (៣,២លានដុល្លារ) ជួយដល់មន្ទីរពេទ្យ។
ផ្អែកតាមសារព័ត៌មានអេស្ប៉ាញ Mundo Deportivo ឲ្យដឹងថា ខ្សែប្រយុទ្ធរបស់ក្លឹប Barcelona បានបរិច្ចាគសរុប១លានអឺរ៉ូ(ជាង១លានដុល្លារ) ទៅកាន់មន្ទីរពេទ្យ២កន្លែង។ ក្នុងនោះមួយនៅទីក្រុង Barcelona និងមួយទៀតនៅឯប្រទេសកំណើតអាហ្សង់ទីន។
សម្រាប់ខ្សែប្រយុទ្ធរបស់ក្លឹប Juventus និងព័រទុយហ្គាល់ Ronaldo និងភ្នាក់ងាររបស់គេលោក Jorge Mendes បានបរិច្ចាគប្រាក់១លានអឺរ៉ូដូចគ្នាដល់អង្គភាពថែទាំចំនួន៣កន្លែង សម្រាប់អ្នកជំងឺដែលទទួលរងពីជំងឺឆ្លងវីរុសនៅមន្ទីរពេទ្យក្នុងទីក្រុង Lisbon និង Porto។
កាលពីសប្ដាហ៍មុន Robert Lewandowski កីឡាកររបស់ Bayern Munich ក៏បានបានបរិច្ចាគ១លានអឺរ៉ូដូចគ្នាដើម្បីប្រយុទ្ធប្រឆាំងវីរុសកូរ៉ូណាក្នុងប្រទេសអាល្លឺម៉ង់។
បញ្ជាក់ថានៅអេស្ប៉ាញបច្ចុប្បន្នមានករណីឆ្លងជិត៤០ ០០០នាក់ ឯព័រទុយហ្គាល់មាន២ ៣៦២នាក់និងអាល្លឺម៉ង់មាន៣១ ៣៧០នាក់៕