- 2020-02-26 02:00:12
- ប្រដាល់
សហព័ន្ធប្រដាល់សកលកម្ពុជា បង្កើតគណៈកម្មការប្រដាល់សកលអាជីពក្នុងគោលបំណងសំខាន់៣
- 2020-02-26 02:00:12
- ចំនួនមតិ 0 | ចំនួនចែករំលែក 0
សហព័ន្ធប្រដាល់សកលកម្ពុជា បង្កើតគណៈកម្មការប្រដាល់សកលអាជីពក្នុងគោលបំណងសំខាន់៣
ចន្លោះមិនឃើញ
សហព័ន្ធប្រដាល់សកលកម្ពុជា ម្សិលមិញនេះប្រកាសពីការបង្កើតគណៈកម្មការប្រដាល់សកលអាជីពក្នុងគោលបំណងសំខាន់ៗចំនួន៣ គឺទី១ ស្របតាមផែនការយុទ្ធសាស្ត្រស្វែងរកមេដាយនៅស៊ីហ្គេម គ្រប់គ្រងកីឡាករ និងសិទ្ធរៀបចំការប្រកួតអាជីព។
លោក ប៊ុយ សុភ័ណ្ឌ អគ្គលេខាធិការសហព័ន្ធប្រដាល់ និងជាប្រធានគណៈកម្មការប្រដាល់សកលអាជីពបានឲ្យដឹងថា ការបង្កើតគណៈកម្មការនេះឡើង ដោយបានការសហការក៏ដូចជាជួយពីភាគីខាងប្រទេសជប៉ុន។
គោលបំណង នៃការបង្កើតឲ្យមានគណៈកម្មការនេះឡើង គឺជួយអភិវឌ្ឍន៍បន្ថែមក្នុងវិស័យប្រដាល់សកលកម្ពុជា។ ទន្ទឹមនិងនេះគឺមានចំណុចសំខាន់៣បន្ថែមទៀតដូចបានរៀបរាប់ខាងលើ ទី១ ជាយុទ្ធសាស្ត្រសម្រាប់ស្វែងរកមេដាយ ទី២ គ្រប់គ្រងកីឡាករ កីឡាការិនីដូចជាការចេញទៅប្រកួតអន្តរជាតិក្រៅប្រទេសជាដើម និងទី៣ នោះមានតែគណៈកម្មការនេះប៉ុណ្ណោះមានសិទ្ធរៀបចំការប្រកួតប្រដាល់អាជីពនៅកម្ពុជា។
សម្រាប់សមាសភាពគណៈកម្មការប្រដាល់សកលអាជីពនេះរួមមាន៖
ទី១ លោក ប៊ុយ សុភ័ណ្ឌ ប្រធាន
ទី២ លោក Motohashi Yukiharu អនុប្រធាន
ទី៣ លោក Isobe Masahiro នាយកប្រតិបត្តិ
ទី៤ លោក ហ៊ុន ដាវីរតនា នាយករងប្រតិបត្តិ
ពិធីប្រកាសបង្កើតគណៈកម្មការប្រដាល់សកលអាជីពនេះធ្វើឡើងកាលពីម្សិលមិញនេះនៅឯគណៈកម្មាធិការជាតិអូឡាំពិកនៃកម្ពុជា (NOCC) ដែលមានការចូលរួមពីប្រធានសហព័ន្ធប្រដាល់កម្ពុជា និងគ្រូបង្វឹក កីឡាករ កីឡាការិនីមួយចំនួនផងដែរ៕
