- 2019-12-16 06:52:04
- ប្រដាល់
លី រិទ្ធី ថាប្រកួតយប់មិញចូលអត់ចុះនិងគេសោះ យ៉ាងណាក៏ដឹងថាខ្លួនថ្មីបែបនេះហើយ
- 2019-12-16 06:52:04
- ចំនួនមតិ 0 | ចំនួនចែករំលែក 0
លី រិទ្ធី ថាប្រកួតយប់មិញចូលអត់ចុះនិងគេសោះ យ៉ាងណាក៏ដឹងថាខ្លួនថ្មីបែបនេះហើយ
ចន្លោះមិនឃើញ
មកប្រដាល់មកពីសៀមរាប លី រឹទ្ធី ថាប្រកួតសន្សំពិន្ទុជាមួយអ្នកប្រដាល់ថៃយប់មិញ គឺពិបាកចូលជាមួយគេតែម្ដង នេះដោយសារតែខ្លួននៅខ្ចីពេកយ៉ាងណានឹងខំប្រឹងបន្តទៀត។
លី រិទ្ធី បានឲ្យដឹងថា ការប្រកួតយប់មិញនេះជាមួយកីឡាករ Jaksiam គឺខ្លួនខំប្រឹងប្រែងអស់ហើយ ពិបាកចូលវ៉ៃយកពិន្ទុដៃគូ ដោយសារតែខ្លួននៅខ្ចីខាងបទពិសោធ។ ប៉ុន្តែអ្នកប្រដាល់មកពីសៀមរាបរូបនេះថាមិនថ្វីនោះទេ ព្រោះជាការចាប់ផ្ដើមដំបូងៗគឺបែបនេះ យ៉ាងណាគឺមានតែការខំប្រឹងប្រែងបន្តទៀតទើបអាចធ្វើឲ្យការប្រកួតប្រសើរឡើងម្ដងបន្តិចៗ។
កូនសិស្សមកពីក្លឹប Mr Ly រូបនេះបន្តថា Jaksiam មិនជាខ្លាំងប៉ុន្មានទេ បើប៉ះកីឡាករខ្មែរដែលមានបទពិសោធច្រើនជាងខ្លួនអាចនឹងសន្លប់បាត់ហើយ។ សមត្ថភាពមិនសូវជាខ្លាំងមែន តែគេចេះវ៉ៃដក និងចាប់ក្បាច់ដៃគូហើយវ៉ៃបក ចំណុចល្អរបស់កីឡាករថៃយប់មិញនោះគឺការទាត់។ រិទ្ធី អរគុណចំពោះអ្នកគាំទ្ររបស់ខ្លួនបើទោះជារូបគេធ្វើមិនបានល្អ និងប្ដេជ្ញាខំប្រឹងបន្ថែមទៀត។
រំលឹកដែរថា ការប្រកួតសប្ដាហ៍ទី២ នៃវគ្គសន្សំពិន្ទុក្នុងពូលកម្មវិធីខ្សែក្រវាត់ខារាប៉ាវ ទម្ងន់៧០គីឡូក្រាម របស់សង្វៀនបាយ័នយប់មិញនេះគឺ លី រិទ្ធី ចាញ់ពិន្ទុកីឡាករថៃ Jaksiam ខណៈ យ៉ាម ខេមរា ក៏ចាញ់ពិន្ទុថៃដូចគ្នា៕