- 2019-12-03 03:57:04
- ព័ត៌មាន
ឯកឧត្តម លឹម គានហោ សរសើរពីការរីកចម្រើនវិស័យកីឡាការ៉ាតេនៅកម្ពុជា
- 2019-12-03 03:57:04
- ចំនួនមតិ 0 | ចំនួនចែករំលែក 0
ឯកឧត្តម លឹម គានហោ សរសើរពីការរីកចម្រើនវិស័យកីឡាការ៉ាតេនៅកម្ពុជា
ចន្លោះមិនឃើញ
នៅមុនកីឡាករ កីឡាការិនីជម្រើសជាតិការ៉ាតេកម្ពុជា ចាកចេញទៅចូលរួមប្រកួតក្នុងព្រឹត្តិការណ៍កីឡាស៊ីហ្គេម នៅប្រទេសហ្វីលីពីន នាយប់ថ្ងៃទី៥ ខែធ្នូ ខានស្អែកនេះ អនុប្រធានសហព័ន្ធការ៉ាតេដូកម្ពុជា បានជួបជុំគ្នា ដោយបានផ្ដល់អនុសាសន៍មួយចំនួន និងការលើកសរសើរពីការរីកចម្រើនលើវិស័យកីឡាមួយនេះ។
ការជួបជុំរវាង ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាអនុប្រធានសហព័ន្ធការ៉ាតេដូកម្ពុជា និងគ្រូបង្វឹក និងកីឡាករ កីឡាការិនីជម្រើសជាតិការ៉ាតេកម្ពុជា បានប្រព្រឹត្តិទៅកាលពីថ្ងៃទី ០២ ខែធ្នូ ២០១៩ ម្សិលមិញ។ នៅក្នុងពិធីជួបជុំនេះ ឯកឧត្តមរដ្ឋមន្ត្រី បានសំដែងនូវក្តីមោទន:ចំពោះការរីកចម្រើនរបស់វិស័យកីឡាការ៉ាតេនៅកម្ពុជា ហើយឯកឧត្តមរដ្ឋមន្ត្រីសង្ឃឹមថា ក្នុងព្រឹត្តិការណ៍ស៊ីហ្គេមនាលើកនេះ កីឡាករ កីឡាការិនី នឹងប្រឹងប្រែងអស់ពីសមត្ថភាព ដើម្បីចូលរួមដណ្ដើមមេដាយ ជូនប្រទេសជាតិ។
ទន្ទឹមនឹងការលើកទឹកចិត្ត ការផ្ដល់អនុសាសន៍បន្ថែមមួយចំនួនដល់គ្រូបង្វឹក និងកីឡាករ កីឡាការិនី ឯកឧត្តមរដ្ឋមន្ត្រីក៏បានឧបត្ថម្ភនូវថវិកាចំនួន ៤០លានរៀល ដល់ប្រតិភូកីឡាការ៉ាតេកម្ពុជាផងដែរ ។
សូមបញ្ជាក់ជូនថា ប្រតិភូកីឡាការ៉ាតេជម្រើសជាតិកម្ពុជា នឹងចាកចេញពីប្រទេសកម្ពុជា ទៅចូលរួមប្រកួតក្នុងកីឡាស៊ីហ្គេម នៅប្រទេសហ្វីលីពីន នៅយប់ថ្ងៃទី០៥ ខែធ្នូ ឆ្នាំ២០១៩ នេះ ៕
ប្រភព៖ ផេករបស់ ក្រសួងធនធានទឹក និងឧតុនិយម