- 2019-11-23 10:55:06
- កីឡាផ្សេងៗ
ការប្រកួតប៉េតង់ពិភពលោកបញ្ចប់ហើយ ខណៈកម្ពុជាឈ្នះមេដាយមាស១ សំរឺទ្ធ១
- 2019-11-23 10:55:06
- ចំនួនមតិ 0 | ចំនួនចែករំលែក 0
ការប្រកួតប៉េតង់ពិភពលោកបញ្ចប់ហើយ ខណៈកម្ពុជាឈ្នះមេដាយមាស១ សំរឺទ្ធ១
ចន្លោះមិនឃើញ
ការប្រកួតប៉េតង់ជើងឯកពិភពលោកយុវជន និងស្ត្រីលើកទី១៧ ដែលកម្ពុជាធ្វើម្ចាស់ផ្ទះរយៈពេល៥ថ្ងៃកន្លងទៅនេះគឺបានបញ្ចប់មុននេះហើយ ខណៈកម្ពុជាឈ្នះមេដាយ២គ្រឿង មាស១ សំរឹទ្ធ១។
ក្រោយការប្រកួតយ៉ាងស្វិតស្វាញអស់រយៈពេល៥ថ្ងៃមកនេះ ការប្រកួតជើងឯកពិភពលោកយុវជន និងស្ត្រី លើកទី១៧ បានធ្វើពិធីបិទ និងបំពាក់មេដាយ រួមនិងពានរង្វាន់រួចរាល់ហើយនាល្ងាចថ្ងៃទី២៣ ខែវិច្ឆិកា ២០១៩ នៅក្នុងពហុកីឡដ្ឋានជាតិ។
ចំពោះមេដាយ២គ្រឿង ដែលកម្ពុជាឈ្នះនោះគឺ មេដាយមាស១ ឈ្នះលើវិញ្ញាសាវ៉ៃយកពិន្ទុដោយវីរកីឡាការិនី កែ ឡេង ចំណែកមេដាយ១គ្រឿងទៀតនោះគឺមេដាយសំរឹទ្ធ ឈ្នះដោយក្រុមកីឡាការិនីស្ត្រី(A) ក្នុងនោះមានឈ្មោះកីឡាការិនី កែ ឡេង កីឡាការិនី អ៊ុក ស្រីមុំ កីឡាការិនី អ៊ុន ស្រីយ៉ា និងកីឡាការិនី កែវ សុវណ្ណា។
រំលឹកដែរថា ការប្រកួតប៉េតង់ជើងឯកពិភពលោកយុវជន និងស្ត្រី លើកទី១៧ ដែលកម្ពុជាធ្វើជាម្ចាស់ផ្ទះនេះគឺចាប់ផ្ដើមឡើងពីថ្ងៃទី១៩ ដល់ ២៣ ខែវិច្ឆិកា ២០១៩ នៅពហុកីឡដ្ឋានជាតិ ដែលមានប្រទេសចូលរួមសរុប៤៩៕
