- 2019-10-21 04:29:52
- បាល់ទាត់
អភិបាលក្រុង Steilacoom, សហរដ្ឋអាមេរិក សរសើរប្រធានក្លឹបភ្នំពេញក្រោម ជាមនុស្សគួរឲ្យគោរព
- 2019-10-21 04:29:52
- ចំនួនមតិ 0 | ចំនួនចែករំលែក 0
អភិបាលក្រុង Steilacoom, សហរដ្ឋអាមេរិក សរសើរប្រធានក្លឹបភ្នំពេញក្រោម ជាមនុស្សគួរឲ្យគោរព
ចន្លោះមិនឃើញ
អភិបាលក្រុង Steilacoom នៃសហរដ្ឋអាមេរិក កោតសរសើរពីការលះបង់ ការខំប្រឹងអភិវឌ្ឍន៍កន្លងមកលើវិស័យកីឡា សេដ្ឋកិច្ចទាំងក្នុងស្រុក ក៏ដូចជាក្រៅស្រុក និងប្រគល់ជូននូវប័ណ្ណសរសើរដល់លោកឧកញ៉ា ឬទ្ធី សំណាង ប្រធានក្លឹបបាល់ទាត់ភ្នំពេញក្រោន ថែមទៀតផងម្សិលមិញនេះ។
លោក Ron Lucas បានឲ្យដឹងថា មានក្ដីសោមនស្សចំពោះភាពជោគជ័យរបស់លោកឧកញ៉ាឬទ្ធី សំណាង ក្នុងការចូលរួមលើវិស័យទេសចរណ៍ ការកម្សាន្តនិងការអភិវឌ្ឍន៍វិស័យសេដ្ឋកិច្ចនៅក្នុងទីក្រុង Steilacoom ។ អភិបាលក្រុងខាងលើនេះបន្ថែមទៀតថា សូមទទួលស្គាល់លើការខិតខំប្រឹងប្រែងប្រកបដោយថាមពលរបស់លោកឧកញ៉ា ក្នុងការពង្រឹង និងពង្រីកចំណងមិត្តភាពរវាងប្រជាជនកម្ពុជា ចិន ក៏ដូចជាភ្ញៀវទេសចរណ៍នានានៅជុំវិញពិភពលោក ប្រកបដោយលទ្ធផលជាវិជ្ជមាន។
លើសពីនេះទៀតនោះ បុរសជនជាតិអាមេរិក ដែលតំណាងឲ្យក្រុង Steilacoom រូបនេះសរសើរឧកញ៉ា ឬទ្ធី សំណាង ថាជាពាណិជ្ជករមួយរូបដែលគួរឱ្យគោរព ព្រោះក្រៅពីជំនួញ បានចំណាយធនធានជាច្រើនក្នុងការអភិវឌ្ឍន៍វិស័យបាល់ទាត់នៅក្នុងប្រទេសកំណើតដូចដែលទាំងអស់គ្នាបានឃើញនៅក្លឹបបាល់ទាត់ភ្នំពេញក្រោន នាពេលនេះស្រាប់។ ដូច្នេះក្នុងនាមជាអ្នកតំណាងឱ្យប្រជាជននៃទីក្រុង Steilacoom ពិតជាមានកិត្តិយស ព្រមទាំងក្ដីរីករាយចំពោះលោកដែលទទួលបាននូវរង្វាន់ ពលរដ្ឋកិត្តិយស ដែលស័ក្ដិសមចំពោះការលះបង់ និងកិច្ចខិតខំប្រឹងប្រែងរបស់លោកដែលបានផ្ដល់នូវអត្ថប្រយោជន៍ដ៏ធំធេងដល់ទីក្រុង Steilacoom ព្រមទាំងរដ្ឋ Washington ផងដែរ។
រំលឹកដែរថា ពិធីប្រគល់រង្វាន់ប័ណ្ណសរសើរជូនលោកឧកញ៉ា ឬទ្ធី សំណាង ដោយអភិបាលក្រុង Steilacoom នៃរដ្ឋ Washington នេះធ្វើឡើងនៅកីឡដ្ឋាន RSN ម្សិលមិញនេះ ដោយមានការចូលរួមពីគ្រូបង្វឹក រួមទាំងកីឡាកររបស់ភ្នំពេញក្រោម ផងដែរ៕