- 2019-09-18 07:40:35
- ប្រដាល់
អ្នករៀបចំប្រដាល់សង្វៀនឯកភ្នំ និយាយអ្វីខ្លះពី រឿង សោភ័ណ្ឌ ប៉ះ Iquezang ចុងសប្ដាហ៍នេះ?
- 2019-09-18 07:40:35
- ចំនួនមតិ 0 | ចំនួនចែករំលែក 0
អ្នករៀបចំប្រដាល់សង្វៀនឯកភ្នំ និយាយអ្វីខ្លះពី រឿង សោភ័ណ្ឌ ប៉ះ Iquezang ចុងសប្ដាហ៍នេះ?
ចន្លោះមិនឃើញ
អ្នករៀបចំកម្មវិធីប្រដាល់នៅសង្វៀនឯកភ្នំ Matias Andres ថារីករាយណាស់ដែលមានវត្តមានអ្នកប្រដាល់ល្បីឈ្មោះទាំងពីរ រឿង សោភ័ណ្ឌ និង Iquezang នៅលើសង្វៀនឯកភ្នំ ហើយនេះជាការប្រកួតកក្រើកហើយចុងសប្ដាហ៍នេះ។
លោក Matias Andres បានឲ្យដឹងថា មានចិត្តសប្បាយរីករាយណាស់ដែលអ្នកប្រដាល់ថៃ Iquezang នឹងវិលមកកាន់សង្វៀនឯកភ្នំ ជាថ្មីនៅថ្ងៃអាទិត្យចុងសប្ដាហ៍នេះ។ មានអ្នកគាំទ្រកម្ពុជាមួយចំនួនពេញចិត្ត និងរង់ចាំទស្សនាអ្នកប្រដាល់រូបនេះឡើងប្រកួតជាថ្មី។ ចំពោះការហ្វឹកហាត់វិញ អ្នករៀបចំខាងលើនេះ បញ្ជាក់ថា កីឡាករ Iquezang កំពុងហ្វឹកហាត់ខ្លាំងដើម្បីត្រៀមប៉ះអ្នកប្រដាល់កម្ពុជា រឿង សោភ័ណ្ឌ។
អ្នកស្រឡាញ់ប្រដាល់រូបនេះបន្ថែមទៀតថា ចំពោះ រឿង សោភ័ណ្ឌ វិញជាអ្នកប្រដាល់ដ៏ជំនាញម្នាក់។ លោកមិនប្រាកដថាកីឡាករកម្ពុជា ឬអ្នកលេងគុនថៃជាអ្នកឈ្នះក្នុងជំនួបនេះទេ ប៉ុន្តែអ្វីដែលអាចនិយាយបានថា នេះជាការប្រកួតដ៏អស្ចារ្យមួយទៀតរបស់សង្វៀនឯកភ្នំ។
រំលឹកដែរថា កីឡាករ រឿង សោភ័ណ្ឌ នឹងត្រូវប្រកួតមិត្តភាពអន្តរជាតិជាមួយអ្នកលេងគុនថៃ Iquezang លើសង្វៀនឯកភ្នំ នៅឯខេត្តបាត់ដំបង នាថ្ងៃអាទិត្យ ទី២២ ខែកញ្ញា ២០១៩នេះ។ នេះជាលើកទី២ហើយសម្រាប់ការបង្ហាញខ្លួនរបស់ Iquezang លើកទឹកដីកម្ពុជា៕