វេទិកាជាតិលើកទី១ សម្ពោធកាលបរិច្ឆេទ ស៊ីហ្គេម២០២៣ ចាប់ផ្ដើមព្រឹកនេះហើយ

2019-09-13 02:43:28
កីឡាផ្សេងៗ

2019-09-13 02:43:28
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកថ្ងៃទី១៣នេះ កម្មវិធីប្រវត្តិសាស្ត្រវេទិកាជាតិលើកទី១ សម្ពោធកាលបរិច្ឆេទព្រឹត្តិការណ៍ស៊ីហ្គេម២០២៣ បានចាប់ផ្ដើមជាផ្លូវការហើយនៅពហុកីឡដ្ឋានជាតិមរតកតេជោ។

គណៈកម្មាធិការជាតិរៀបចំការប្រកួតកីឡាស៊ីហ្គេមកម្ពុជា ហៅកាត់ CAMSOC បានរៀបចំកម្មវិធីខាងលើឡើង ក្រោមវត្តមានរបស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន CAMSOC ផ្ទាល់ លោកបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍របស់ CAMSOC។ លើសពីនេះក៏ មាន ការចូលរួមធ្វើបទបង្ហាញពីមន្ដ្រីចលនាអូឡាំពិកមកពីម៉ាឡេស៊ីរួមទាំងមន្ដ្រីពាក់ព័ន្ធ ដែលត្រូវទទួលបន្ទុក និងអនុវត្តការងារក្នុងទិសដៅឆ្ពោះទៅស៊ីហ្គេម ឆ្នាំ២០២៣ ផងដែរ។

សម្រាប់កាលបរិច្ឆេទផ្លូវការស៊ីហ្គេម២០២៣ដែលកម្ពុជាធ្វើជាម្ចាស់ផ្ទះ ត្រូវបានសម្ដេចតេជោ ហ៊ុន សែន បានប្រកាសរួចហើយថានឹងកំណត់យកថ្ងៃ០៥ ខែឧសភា ឆ្នាំ២០២៣ ដើម្បីប្រារព្ធពិធីប្រកួតតែម្ដង។ សម្រាប់កម្ពុជាដែលនឹងធ្វើជាម្ចាស់ផ្ទះក៏បានត្រៀមខ្លួនសឹងតែរួចរាល់ហើយដែរ ទាំងកីឡដ្ឋានដើម្បីរៀបចំប្រកួត ក៏ដូចជាប្រភេទកីឡាដែលនឹងត្រូវដាក់ឱ្យលេង។ សម្រាប់កីឡដ្ឋានធំ ដែលនឹងត្រូវបើកកម្មវិធី (កីឡដ្ឋានបាល់ទាត់នៅមរតកតេជោ) សាង់សងបានជាង៥០%ហើយ ដោយរំពឹងថានឹងរួចរាល់នៅចុងឆ្នាំ២០២០ខាងមុខ៕

អត្ថបទ៖ ប្រុស យុទ្ធ