- 2019-09-05 07:19:04
- បាល់ទាត់
គ្រូបង្វឹកថាអ្នកចាំទីអេស្ប៉ាញទាំង៣សុទ្ធតែអាចលេងជម្រើសដំបូង
- 2019-09-05 07:19:04
- ចំនួនមតិ 0 | ចំនួនចែករំលែក 0
គ្រូបង្វឹកថាអ្នកចាំទីអេស្ប៉ាញទាំង៣សុទ្ធតែអាចលេងជម្រើសដំបូង
ចន្លោះមិនឃើញ
លោក Robert Moreno ជឿជាក់អ្នកចាំទីទាំង៣នាក់របស់ក្រុមជម្រើសជាតិអេស្ប៉ាញសុទ្ធតែមានសមត្ថភាពគ្រប់គ្រាន់ដើម្បីលេងជាកីឡាករ១១នាក់ដំបូង។
បុរសវ័យ៤១ឆ្នាំដែលទើបតែងតាំងជាគ្រូបង្វឹកផ្លូវការលេងទល់នឹងរ៉ូម៉ានី និងហ្វារ៉ូ អៀរឡង់ នៅថ្ងៃព្រហស្បតិ៍ និងថ្ងៃអាទិត្យបានទម្លាក់ De Gea ទៅជាជម្រើសទីពីរ និងឲ្យ Kepa ចាំជាជម្រើសដំបូង២ប្រកួតមកហើយ។ យ៉ាងណា Moreno អះអាងថាអ្នកចាំទីណាក៏អាចមានឱកាសលេង១១នាក់ដែរ ឲ្យតែខំប្រឹងប្រែង។
"យើងនឹងមានការផ្លាស់ប្ដូរកីឡាកររៀងរាល់ប្រកួតគឺមិនមែនប្រើកីឡាករដដែលៗនោះទេ។ ចំពោះអ្នកចាំទី៣នាក់របស់អេស្ប៉ាញសុទ្ធតែកំពូលៗ ដូច្នេះនរណាក៏អាចជាប់ជម្រើសដំបូងដែរ គឺនៅលើពួកគេតែប៉ុណ្ណោះ"។ Moreno និយាយដូច្នេះ។
គួរបញ្ជាក់ថាក្រៅពី De Gea របស់ Manchester United និង Kepa របស់តោខៀវ Chelsea ក្រុមគោជល់អេស្ប៉ាញនៅមានអ្នកចាំទី Pau López ម្នាក់ទៀតដែលលេងនៅ Real Betis៕