- 2019-09-02 03:46:53
- ប្រដាល់
អ្នកគាំទ្រគុនខ្មែរមួយចំនួនស្ទើរមិនជឿ ឡៅ ចន្រ្ទា សន្លប់ក្រោមថ្វីដៃថៃម្សិលមិញ
- 2019-09-02 03:46:53
- ចំនួនមតិ 0 | ចំនួនចែករំលែក 0
អ្នកគាំទ្រគុនខ្មែរមួយចំនួនស្ទើរមិនជឿ ឡៅ ចន្រ្ទា សន្លប់ក្រោមថ្វីដៃថៃម្សិលមិញ
ចន្លោះមិនឃើញ
ចំពោះលទ្ធផលជើងខ្លាំងជួរមុខរបស់កម្ពុជា ឡៅ ចន្រ្ទា សន្លប់ក្នុងទឹកទី២ម្សិលមិញនេះ អ្នកគាំទ្រគុនខ្មែរមួយចំនួនលើហ្វេសបុក ហាក់ចម្លែកអារម្មណ៍បន្តិច ព្រោះអ្នកប្រដាល់មកពីឆត្រយោង ៩១១ រូបនេះកម្រចាញ់ការប្រកួតណាស់ ហើយរឹតតែកម្រទៅទៀតរឿងសន្លប់។
សិស្សគុនមកពីក្លឹបឆត្រយោង ៩១១ ឡៅ ចន្រ្ទា ប៉ះ កងថៃឡេន ម្សិលមិញនេះ ការប្រកួតមិនទាន់បានក្ដៅសាច់ផងត្រូវបានបញ្ចប់ត្រឹមទឹក២ទៅហើយ ដោយអ្នកលេងគុនខ្មែរជាអ្នកបរាជ័យ។ អ្នកប្រដាល់មកពីខេត្តកំពង់ស្ពឺខាងលើនេះ អាចចាត់ទុកថាជាកីឡាករដែលប្រយ័ត្នខ្ពស់នៅពេលវ៉ៃម្ដងៗ មិនថាការវ៉ៃកណ្ដាប់ដៃ ឬទាត់នោះទេ គឺ ចន្រ្ទា គេច បាំងជានិច្ច ហើយមិនបណ្ដោយឲ្យគេវ៉ៃសន្ធាប់ឡើយ។ នៅពេលអោបគ្នាម្ដងៗ កូនសិស្សរបស់លោក ហង់ សឿន រូបនេះតែងដាក់មុខឲ្យកៀកនិងមុខដៃគូដើម្បីគេចកែងជានិច្ច។
សម្រាប់ការសន្លប់ម្សិលមិញនេះ គឺដោយសារតែការភ្លាត់ស្នៀតវ៉ៃកែងទៅលើ កង់ថៃឡេន ខុសអស់ជំហរខ្លួនឯង ខណៈដៃគូគេគេចហើយ នៅសល់កែងឆ្វេងក៏វ៉ៃបេះចង្កាហើយត្រូវសន្លប់តែម្ដងក្នុងទឹកទី២។ អ្នកលេងគុនថៃខាងលើនេះ គឺនៅតែបង្ហាញទម្រង់វ៉ៃបានយ៉ាងល្អ គេសម្គាល់ឃើញថាកីឡាកររូបនេះ តែងតែមិននៅស្ងៀមនោះឡើយ ពោលញ៉ាកគ្រប់ពេល ជាហេតុធ្វើឲ្យដៃគូពិបាកក្នុងការវ៉ៃ។ មួយវិញទៀតនោះ ម្សិលមិញនេះអ្នកប្រដាល់ថៃម្នាក់នេះ គឺថយចាំវ៉ៃតែម្ដង ខណៈស្នៀតជង្គង់ ទាត់ កែងគឺប្រើបានគ្រប់ទាំងអស់។
កីឡាករ ឡៅ ចន្រ្ទា ជាអ្នកប្រដាល់ជួរមុខរបស់កម្ពុជា មកពីក្លឹបប្រដាល់ឆត្រយោង ៩១១ កំបូល។ ប្រកួតមិត្តភាពអន្តរជាតិម្សិលមិញនេះគឺចាញ់សន្លប់ទឹក២ ក្រោយថ្វីដៃកីឡាករថៃ កងថៃឡេន នៅសង្វៀន CNC៕
វីដេអូប្រកួតម្សិលមិញ៖