- 2019-08-28 12:27:41
- បាល់ទាត់
Lewandowski៖ Bayern ទិញកីឡាករនៅឆ្នាំនេះ ល្អជាង Dortmund
- 2019-08-28 12:27:41
- ចំនួនមតិ 0 | ចំនួនចែករំលែក 0
Lewandowski៖ Bayern ទិញកីឡាករនៅឆ្នាំនេះ ល្អជាង Dortmund
ចន្លោះមិនឃើញ
ខ្សែប្រយុទ្ធប៉ូឡូញកីឡាករ Robert Lewandowski បាននិយាយប្រាប់សារព័ត៌មាន Sport Bild ថា ការទិញកីឡាកររបស់ក្លឹប Bayern Munich នៅទីផ្សាររដូវក្ដៅនេះ ហាក់មានគុណភាពជាងក្លឹប Borussia Dortmund។
កីឡាកររូបនេះបានលើកឡើងថា៖ " Dortmund គេទិញច្រើនណាស់នៅទីផ្សាររដូវក្ដៅនេះ គេមានក្រុមមួយដ៏ធំ។ ប៉ុន្តែនៅចុងបញ្ចប់គេមិនមែនមើលបរិមាណ ឬ ចំនួនកីឡាករនោះទេ ប៉ុន្តែគេស្ទង់មើលគុណភាពរបស់ក្រុមទាំងមូល " ។
Lewandowski បានបន្តថា៖ " ត្រង់ចំណុចនេះធ្វើឲ្យខ្ញុំយល់ឃើញច្បាស់ថា ក្រុមរបស់យើង (Bayern Munich) មានកីឡាករប្រកបដោយគុណភាពខ្ពស់ជាង " ។
ក្រៅពីនេះ ខ្សែប្រយុទ្ធវ័យ ៣១ឆ្នាំរូបនេះ ក៏បានសរសើរកីឡាករចំណូលថ្មី Philippe Coutinho ផងដែរ។
Bayern ក្នុងទីផ្សាររដូវក្ដៅនេះ បាននាំចូលខ្សែបម្រើក្រូអាត Ivan Perisic និងខ្សែបម្រើប្រេស៊ីល Philippe Coutinho ខណៈ Dortmund បាននាំចូលប្អូនប្រុសរបស់ Eden Hazard ខ្សែប្រយុទ្ធ Thorgan Hazard ខ្សែស្លាបអាល្លឺម៉ង់ Julian Brandt ខ្សែបម្រើអាល្លឺម៉ង់ Nico Schulz និងខ្សែការពារអាល្លឺម៉ង់ Mats Hummels៕