- 2019-08-22 06:55:16
- ប្រដាល់
គូព្រេងមិនព្រាត់ ឡៅ ចន្រ្ទា ប៉ះ កងមឿងឆាង ជាលើកទី៤ចុងសប្ដាហ៍នេះ
- 2019-08-22 06:55:16
- ចំនួនមតិ 0 | ចំនួនចែករំលែក 0
គូព្រេងមិនព្រាត់ ឡៅ ចន្រ្ទា ប៉ះ កងមឿងឆាង ជាលើកទី៤ចុងសប្ដាហ៍នេះ
ចន្លោះមិនឃើញ
អ្នកប្រដាល់មកពីខេត្តកំពង់ស្ពឺ ឡៅ ចន្រ្ទា ត្រូវបានផ្គូផ្គងឲ្យជួបអ្នកលេងគុនថៃ កងមឿងឆាង ដែលជាដៃគូចាស់ជាលើកទី៤ នៅសង្វៀនបាយ័ន ថ្ងៃសៅរ៍ ទី២៤ សីហា ២០១៩នេះ ខណៈ ឡៅ ចិត្រា ក៏ឡើងប្រកួតកម្មវិធីនោះផងដែរ។
ឡៅ ចន្រ្ទា ជួបកីឡាករថៃ កងមឿងឆាង ជាលើកទី៤ហើយ ក្នុងនោះអ្នកប្រដាល់កម្ពុជាឈ្នះ២ដង ស្មើ១ដង។ ២ដង នៅ CBS ឈ្នះ១ ស្មើ១ ចំណែក១ដងទៀតនៅសង្វៀនបាយ័ន ដោយសារតែជើងខ្លាំងថៃវ៉ៃខុសបច្ចេកទេស ទើបអាជ្ញាកណ្ដាលសម្រេចឲ្យ ចន្រ្ទា ឈ្នះតែម្ដង។
ប៉ះគ្នាចុងក្រោយកាលពីសប្ដាហ៍មុននេះរវាងអ្នកទាំងពីរនាក់នេះគឺកក្រើកតែម្ដង ពោលបុកគ្នាខ្លាំងមែនទែនជាពិសេសចុងទឹក ខណៈពេលបញ្ចប់ការប្រកួតពួកគេហាក់នៅមិនទាន់អស់ចិត្តទៅនិងលទ្ធផលស្មើនោះឡើយ។ គូនេះប្រកួតគ្នាច្រើនដងហើយ ប៉ុន្តែនៅតែស៊ីគ្នាមិនដាច់ ឡៅ ចន្រ្ទា ចេញច្រើន ប៉ុន្តែអស់ចុងទឹក ស្របពេលកីឡាករថៃទឹក៤-៥ គឺបុកគ្មានមេត្តានោះឡើយ ធ្វើឲ្យអ្នកប្រដាល់មកពីកំពង់ស្ពឺ ចង់អស់ខ្យល់ទៅហើយ។
រំលឹកដែរថា បងប្អូនត្រកួល ឡៅ ចន្រ្ទា ឡៅ ចិត្រា នឹងត្រូវប្រកួតលើសង្វៀនបាយ័នតែមួយជាមួយគ្នា នាថ្ងៃសៅរ៍ចុងសប្ដាហ៍នេះ ចាប់ពីម៉ោង៦ល្ងាចតទៅ។ ចន្រ្ទា ប៉ះ កងមឿងឆាង ចំណែក ចិត្រា ប៉ះ Kitkkark Por. Paoin។ ចាំមើល ឡៅ ចន្រ្ទា អាចយកជ័យជម្នះលើ កងមឿងឆាង បានអត់ ឬបន្តចាញ់ឈ្នះមិនអស់ចិត្តទៀត?
