- 2019-07-31 07:34:02
- ប្រដាល់
កីឡាករខ្មែរ-អាមេរិក Eric Pieroun Pen៖ ខ្ញុំតៀមរួចហើយការប្រកួតថ្ងៃទី៣ សីហា នេះ
- 2019-07-31 07:34:02
- ចំនួនមតិ 0 | ចំនួនចែករំលែក 0
កីឡាករខ្មែរ-អាមេរិក Eric Pieroun Pen៖ ខ្ញុំតៀមរួចហើយការប្រកួតថ្ងៃទី៣ សីហា នេះ
ចន្លោះមិនឃើញ
ម្ចាស់ខ្សែក្រវាត់ទម្ងន់ធ្ងន់កម្រិតពិភពលោករបស់កម្ពុជា Eric Pieroun Pen ថារូបគេបានហ្វឹកហាត់ត្រៀមខ្លួនរួចហើយសម្រាប់ការប្រកួត និងផ្សព្វផ្សាយពីខ្មែរ នៅឯប្រទេសហ្វីលីពីន ប៉ុន្មានថ្ងៃខាងមុខនេះ។
ជើងខ្លាំងរបស់កម្ពុជាខាងលើនេះបានឲ្យដឹងថា តាំងតែពីប្រកួតឈ្នះខ្សែក្រវាត់ WBA Asia ប៉ុន្មានខែមុននៅឯវៀតណាម រួចមកគឺនៅបន្តហ្វឹកហាត់ជាធម្មតារហូតមកដល់ពេលបច្ចុប្បន្ននេះ ដើម្បីបន្តភាពរឹងមាំឲ្យនៅដដែល។ ចំពោះសមត្ថភាពដៃគូវិញ Eric Pieroun បញ្ជាក់ថា ជាកីឡាករជនជាតិឥណ្ឌូណេស៊ី ដែលខ្លាំងម្នាក់ទៀត ហើយមិនត្រឹមតែប៉ុណ្ណោះទេមានបទពិសោធច្រើនថែមទៀតផង។
«ខ្ញុំមានដៃគូហ្វឹកហាត់ល្អ ទាំងការវ៉ៃសម និងហាត់គឺបានល្អ។ ខ្ញុំត្រៀមខ្លួនប្រកួតរួចហើយ និងព្យាយាយរកចំណុចខ្សោយដើម្បីផ្ដួលដៃគូឲ្យសន្លប់»សម្ដី Eric Pieroun។
អ្នកប្រដាល់វ័យ ២៦ឆ្នាំរូបនេះផ្ដាំផ្ញើមកកាន់អ្នកគាំទ្រទាំងអស់ថា អរគុណចំពោះការស្រឡាញ់គាំទ្រ នេះហើយជាកត្តាជំរុញខ្លួនឲ្យរឹតតែខំប្រឹងឲ្យខ្លាំងបន្ថែមទៀត។ រូបគេនឹងខំប្រឹងប្រកួតឲ្យឈ្នះដើម្បីបង្ហាញថាកម្ពុជាមានកីឡាករខ្លាំងប្រដាល់សកលផងដែរ។
រំលឹកដែរថា កីឡាករប្រដាល់សកលខ្មែរ-អាមេរិក Eric Pieroun Pen នឹងឡើងប្រកួតជាលើកទី៤របស់គេនៅថ្ងៃទី៣ ខែសីហា ឆ្នាំ២០១៩ នៅឯប្រទេសហ្វីលីពីន ជាមួយអ្នកលេងកណ្ដាប់ដៃមកពី ឥណ្ឌូណេស៊ី Devid Koswara។ Eric Pieroun នឹងចាក់ចេញពីក្លឹបរបស់ខ្លួន Saigon Sport Club ទៅ ប្រទេសហ្វីលីពីន នាថ្ងៃព្រហស្បតិ៍ស្អែកនេះ៕