- 2019-07-17 11:51:06
- បាល់ទាត់
Rooney សរសើរ Klopp ថាល្អគ្រប់ដប់ ទាស់តែម្យ៉ាង
- 2019-07-17 11:51:06
- ចំនួនមតិ 0 | ចំនួនចែករំលែក 0
Rooney សរសើរ Klopp ថាល្អគ្រប់ដប់ ទាស់តែម្យ៉ាង
ចន្លោះមិនឃើញ
ខ្សែប្រយុទ្ធក្លឹប DC United កីឡាករ Wayne Rooney បាននិយាយប្រាប់សារព័ត៌មាន Sport Bildថា អ្នកចាត់ការជនជាតិអាល្លឺម៉ង់លោក Jurgen Klopp ល្អគ្រប់យ៉ាង ក៏ប៉ុន្តែមានកំហុសមួយគឺដឹកនាំ Liverpool ហើយជោគជ័យនៅទីនោះ។
Rooney បានលើកឡើងថា៖ " Jurgen ជាអ្នកចាត់ការ ដែលកីឡាករគ្រប់គ្នាចង់លេងជាមួយ។ យើងអាចឃើញថា កីឡាកររបស់គាត់សប្បាយចិត្តណាស់ ពេលដែលលេងក្រោមគាត់។ ខ្ញុំបានជួបគាត់ម្ដង Klopp ជាមនុស្សអស្ចារ្យណាស់ " ។
អតីតប្រធានក្រុម Manchester United បានបន្តថា៖ " កំហុសតែមួយគត់របស់គាត់គឺ ធ្វើការឲ្យ Liverpool ហើយជោគជ័យនៅទីនោះ " ។
កីឡាកររូបនេះបានបន្ថែមថា៖ " ខ្ញុំគោរពគាត់ខ្លាំងណាស់ ហើយអ្វីដែលគាត់សម្រេចបាន។ មិនត្រឹមតែនៅ Liverpool ទេ ប៉ុន្តែក៏ជោគជ័យនៅ Dortmund ផងដែរ។ គាត់ម្នាក់នេះនឹងជោគជ័យបន្តទៀត " ។
Klopp បានដឹកនាំ Liverpool ឲ្យឈ្នះពាន UEFA Champions League លើកដំបូងក្នុងរយៈពេល ១៤ឆ្នាំ ក្រោយពីយកឈ្នះ Tottenham Hotspur កាលពីខែមិថុនា កន្លងទៅ៕