- 2019-05-28 08:57:45
- កីឡាផ្សេងៗ
អ្នកនៅច្បារអំពៅ បើចង់ហាត់កីឡាវ៉ូវីណាម ឥលូវមានហើយនៅទីនោះ
- 2019-05-28 08:57:45
- ចំនួនមតិ 0 | ចំនួនចែករំលែក 0
អ្នកនៅច្បារអំពៅ បើចង់ហាត់កីឡាវ៉ូវីណាម ឥលូវមានហើយនៅទីនោះ
ចន្លោះមិនឃើញ
សហព័ន្ធកីឡាវ៉ូវីណាមកម្ពុជា បង្កើតក្លឹបថ្មី១ទៀតហើយនៅក្នុងវិទ្យាល័យច្បារអំពៅ សម្រាប់សិស្សានុសិស្ស ក៏ដូចជាមហាជនដែលរស់នៅតំបន់នោះអាចចូលហ្វឹកហាត់ដើម្បីសុភាព និងស្វែងរកធនធានថ្មីផងដែរ។
លោក អ៊ូ រតនា អនុប្រធានសហព័ន្ធខាងលើ បានឲ្យដឹងថា ដើម្បីរួមចំណែកជាមួយក្រសួងអប់រំ យុវជន និងកីឡាក្នុងការពង្រីកផ្សព្វផ្សាយ កីឡាឲ្យកាន់តែខ្លាំងថែមទៀតនោះ សហព័ន្ធរបស់លោកព្យាយាមបង្កើតក្លឹបឲ្យបានច្រើនទៅតាមលទ្ធភាពដែលអាចធ្វើទៅបាន។ ជាក់ស្ដែងឥលូវនេះទើបតែប្រកាសបង្កើតក្លឹបថ្មី១ទៀតហើយ នៅក្នុងវិទ្យាល័យច្បារអំពៅតែម្ដង ហើយក្នុងឱកាសនោះដែរ សហព័ន្ធបាននាំកីឡាករ កីឡាការិនីជ្រើសរើសជាតិ និងក្រុមថ្នាលសម្ដែងជូនសិស្សានុសិស្សនៅទីនោះផងដែរ។
អនុប្រធានខាងលើនេះបន្ថែមទៀតថា លោកមានចិត្តសប្បាយរីករាយមែនទែន បន្ទាប់ពីការសម្ដែងបច្ចេកទេសពិសេសនានា និងស្នៀតប្រយុទ្ធរបស់វ៉ូវីណាម រួចមកមានការចាប់អារម្មណ៍ខ្លាំងពីសំណាក់សិស្សនៅក្នុងវិទ្យាល័យ។ លោកបញ្ជាក់ដែរថា សម្រាប់សិស្សដែលកំពុងរៀននៅវិទ្យាល័យច្បារអំពៅទាំងអស់ រួមនិងមហាជនដែលនៅក្បែរៗនោះ មានបំណងចង់ចូលរួម អាចទាក់ទងមកសហព័ន្ធ ឬទៅកន្លែងហាត់ផ្ទាល់តែម្ដង ហើយការចុះឈ្មោះចូលរៀនមិនមានការបង់ប្រាក់នោះឡើយ។
រំលឹកដែរថា ការសម្ដែង និងបើកក្លឹបថ្មីមួយទៀតនៅក្នុងវិទ្យាល័យច្បារអំពៅនេះ ធ្វើឡើងកាលពីព្រឹកថ្ងៃចន្ទ ទី២៧ ខែឧសភា ឆ្នាំ២០១៩ ម្សិលមិញនេះ។ គិតមកដល់ពេលនេះសហព័ន្ធបានបង្កើតក្លឹបច្រើនមកហើយ នៅរាជធានីភ្នំពេញ៦ និងនៅតាមខេត្តមានចំនួន៥ទៀតផងដែរ៕