- 2019-04-29 08:24:13
- កីឡាផ្សេងៗ
លុយរត់ម៉ារ៉ាតុងជាង១០ម៉ឺនដុល្លារត្រូវបានប្រគល់ជូនអង្គការចំនួន១០ព្រឹកមិញ
- 2019-04-29 08:24:13
- ចំនួនមតិ 0 | ចំនួនចែករំលែក 0
លុយរត់ម៉ារ៉ាតុងជាង១០ម៉ឺនដុល្លារត្រូវបានប្រគល់ជូនអង្គការចំនួន១០ព្រឹកមិញ
ចន្លោះមិនឃើញ
ព្រឹកចន្ទ ទី២៩ ខែមេសានេះ គណៈកម្មាធិការជាតិអូឡាំពិកកម្ពុជា (NOCC) បាននាំយកថវិកាដែលទទួលបានពីព្រឹត្តិការណ៍រត់ម៉ារ៉ាតុងប្រគល់ជូនដល់អង្គការក្រៅរដ្ឋាភិបាលចំនួន១០ដើម្បីផ្គត់ផ្គង់សម្រាប់ការងារសប្បុរសធម៌។
តាមការឲ្យដឹងពីឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានឲ្យដឹងថា ថវិកាសប្បុរសធម៌សរុប ចំនួន ១០៥ ០៣១,៥០ដុល្លារអាមេរិក ដែលបានមកពីព្រឹត្តិការណ៍រត់ពាក់កណ្ដាលម៉ារ៉ាតុងកាលពីឆ្នាំ២០១៨នៅខេត្តសៀមរាបប្រគល់ជួនអង្គការក្រៅរដ្ឋាភិបាលចំនួន១០។
ថវិកាសប្បុរសធម៌ទាំងអស់នេះទទួលបានមកពីប្រភពចំណូល៣។ ទី១បានពីអ្នកដែលចូលរួមរត់ទី២សប្បុរសជន និងទី៣បានមកពីក្រុមហ៊ុនឧបត្ថម្ភដូចជា Wurkz និង ManulLife។ គោលការណ៍ក្នុងការឧបត្ថម្ភនេះគឺផ្តោតលើអង្គការដែលបានជួយដល់សង្គម និងជាប្រភេទអង្គការកម្ចាត់គ្រាប់មីន ព្រមទាំងមន្ទីរពេទ្យកុមារជាតិ មន្ទីរពេទ្យគន្ធបុប្ផាខេត្តសៀមរាបផងដែរ។
អង្គការនិងមន្ទីរពេទ្យដែលទទួលបានប្រាក់ឧបត្ថម្ភទាំងនោះមានដូចជា
កម្មវិធីរត់ប្រណាំងពាក់កណ្ដាលម៉ារ៉ាតុងដែលជាព្រឹត្តិការណ៍កីឡាទេសចរណ៍ដ៏ធំប្រចាំឆ្នាំនៅទីក្រុងភ្នំពេញ នឹងធ្វើឡើងនៅថ្ងៃទី១៦ ខែមិថុនា ឆ្នាំ២០១៩ខាងមុខនេះក្នុងស្មារតីបំផុស និងផ្សព្វផ្សាយកីឡាស៊ីហ្គេមឆ្នាំ២០២៣ដែលកម្ពុជាទទួលធ្វើជាម្ចាស់ផ្ទះផងដែរ៕