- 2019-03-12 03:10:32
- បាល់ទះ
ស្មាត់ឆ្វេងជម្រើសជាតិ ម៉ី រស្មី ប្រកាន់គោលការណ៍មិនដើរលេងស៊ីលុយព្រោះ...
- 2019-03-12 03:10:32
- ចំនួនមតិ 0 | ចំនួនចែករំលែក 0
ស្មាត់ឆ្វេងជម្រើសជាតិ ម៉ី រស្មី ប្រកាន់គោលការណ៍មិនដើរលេងស៊ីលុយព្រោះ...
ចន្លោះមិនឃើញ
កីឡាករបាល់ទះជម្រើសជាតិកម្ពុជា ម៉ី រស្មី បានប្រកាន់គោលការណ៍នាពេលបច្ចុប្បន្នគឺមិនដើរលេងស៊ីលុយជាដាច់ខាត ពីព្រោះរូបគេគិតថា ខ្លួនជាកីឡាករអាជីព។
កីឡាករសំខាន់របស់ក្លឹបវិសាខារូបនេះបានឲ្យដឹងថា កន្លងមកក៏ធ្លាប់ដើរលេងស៊ីលុយផងដែរ ប៉ុន្តែមួយរយៈពេលក្រោយមកគឺមិនបានទៅលេងទៀតឡើយ។ រស្មី ក៏បានលើកចំណុចសំខាន់ៗមួយចំនួន ដែលជាហេតុនាំឲ្យខ្លួនមិនដើរលេងស៊ីលុយដូចខាងក្រោម៖
១- ក្លឹបហាមជាដាច់ខាត ៖ ក្លឹបបានហាមជាដាច់ខាត ក្នុងការដើរលេងស៊ីលុយ ដូច្នេះបើសិនដើរលេងស៊ីលុយប្រឈមការដាក់ពិន័យរបស់ក្លឹប។
២-ដើរលេងស៊ីលុយជាល្បែង៖ រស្មី យល់ថា ការដើរលេងស៊ីលុយជាល្បែងភ្នាល់ ដែលអាចប្រឈមការឈ្លោះប្រកែកគ្នានៅតាមតារាងបាល់ផងដែរ។
៣-កីឡាករអាជីពមិនគួរដើរលេងស៊ីលុយ៖ កីឡាករអាជីពដែលបានទៅហាត់នៅថៃមួយរយៈរូបនេះ មើលឃើញប្រទេសមួយចំនួនដែលមានវិស័យបាល់ទះរីកចម្រើន គឺកីឡាកររបស់គេមិនបានដើរលេងស៊ីលុយឡើយ ពោលគឺហ្វឹកហាត់សម្រាប់តែត្រៀមការប្រកួតប៉ុណ្ណោះ។
៤-ដើរលេងស៊ីលុយអាចប៉ះពាល់ដល់អនាគត៖ ការដើរលេងស៊ីលុយនេះដែរនៅពេលមានបញ្ហាបាក់ដៃ ឬបាក់ជើង គឺក្លឹបមិនទទួលខុសត្រូវឡើយ។ ដូច្នេះប្រសិនបើមានឧប្បត្តិហេតុកើតឡើងនោះកីឡាករគ្រប់រូបអាចខូចអនាគតរបស់ខ្លួន។
