- 2019-02-28 02:43:11
- កីឡាផ្សេងៗ
បង្ហាញការចំណាយធ្វើស៊ីហ្គេម៤លើកចុងក្រោយ ចុះកម្ពុជា២០២៣អាចអស់ប៉ុន្មាន?
- 2019-02-28 02:43:11
- ចំនួនមតិ 0 | ចំនួនចែករំលែក 0
បង្ហាញការចំណាយធ្វើស៊ីហ្គេម៤លើកចុងក្រោយ ចុះកម្ពុជា២០២៣អាចអស់ប៉ុន្មាន?
ចន្លោះមិនឃើញ
ព្រឹត្តិការណ៍កីឡាតំបន់អាស៊ីអាគ្នេយ៍ដែលគ្រប់គ្នាហៅថា ស៊ីហ្គេម (Sea Games) តែងតែប្រារព្ធធ្វើរយៈពេល២ឆ្នាំម្តងដែលប្រទេសនៅអាស៊ានទទួលធ្វើម្ចាស់ផ្ទះរៀបចំការប្រកួតវិលជុំ។ យ៉ាងណា ប្រទេសខ្សត់ខ្សោយខ្លះនៅមិនទាន់បានធ្វើម្ចាស់ផ្ទះឡើយ ដោយសារតម្រូវការធនធានមនុស្ស ហេដ្ឋារចនាសម្ព័ន្ធ និងថវិកាខ្ពស់។
សម្រាប់ស៊ីហ្គេម៤លើកចុងក្រោយបានចំណាយប្រាក់យ៉ាងច្រើនដើម្បីរៀបចំការប្រកួតដោយចំនួននៃការចំណាយទាំងនោះមិនរាប់បញ្ចូលលើការកសាងសាងហេដ្ឋារចនាសម្ព័ន្ធនោះទេ។ តាមការឲ្យដឹងពីអ្នកជំនាញស៊ីហ្គេមលោក Sheik Kok Chi បានបង្ហាញទន្នន័យនៃការចំណាយ៤លើកចុងក្រោយ៖
ក្នុងកិច្ចប្រជុំគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) កាលពីរសៀលថ្ងៃទី២៧ ខែកុម្ភៈ ឆ្នាំ២០១៩ នៅទីស្តីការគណៈរដ្ឋមន្ត្រីក្រោមអធិបតីភាពសម្តេចពិជ័យសេនា ទៀ បាញ់ ប្រធាន CAMSOC លោក Sheik Kok Chi បានបង្ហាញ និងប៉ាន់ស្មានក្រៅផ្លូវការថា សម្រាប់កម្ពុជាដែលទទួលរៀបចំធ្វើម្ចាស់ផ្ទះស៊ីហ្គេម ឆ្នាំ២០២៣អាចនឹងចំណាយអស់ប្រហែល២០០លានដុល្លារអាមេរិក ។ ការប៉ាន់ស្មាននេះគឺថា ១០០លានដុល្លារអាមេរិកសម្រាប់អភិវឌ្ឍធនធានមនុស្ស និង១០០លានដុល្លារទៀតសម្រាប់រៀបចំការប្រកួត ហើយមិនរាប់ចូលចំពោះការចំណាយលើការកសាងហេដ្ឋារចនាសម្ពន្ធឡើយ។
ទោះបីជាយ៉ាងណា ចំនួនទឹកប្រាក់ខាងលើកគ្រាន់តែការប៉ាន់ស្មានក្រៅផ្លូវការប៉ុណ្តោះ ដូច្នេះការចំណាយអាចនឹងច្រើន ឬតិចនេះដែលតាមតម្រូវការជាក់ស្តែង។ ក្នុងមហាសន្តិបាតបូកសរុបការងារឆ្នាំ២០១៨ និងដាក់ទិសដៅឆ្នាំ២០១៩របស់គណៈកម្មាធិការជាតិអូឡាំពិកកម្ពុជាកាលពីថ្ងៃទី២១ ខែកុម្ភៈ ឆ្នាំ២០១៩បានបញ្ជាក់ថា សម្រាប់កម្ពុជាមិនព្រួយបារម្ភរឿងហេដ្ឋារចនាសម្ព័ន្ធឡើយ ពីព្រោះមានលុយអាចធ្វើបាន ប៉ុន្តែបារម្ភបំផុតគឺធនធានមនុស្សដែលត្រូវការអភិវឌ្ឍជាចាំបាច់៕