ក្បាច់គុនធ្វើឲ្យអ្នកចម្រៀង Hip Hop សាំង សុខសេរី មានភាពក្លាហានក្នុងជីវិត

2019-01-14 02:25:04
ប្រដាល់

2019-01-14 02:25:04
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលដែលអ្នកចម្រៀង Hip Hop ខ្មែរ សាំង សុខសេរី ឡើងឆាកតន្ត្រីម្ដងៗ ដោយមានភាពក្លាហាន និងទំនុកចិត្តខ្ពស់ ហេតុផលដោយសារបានប្រឡូកក្នុងការសម្ដែងជាយូរឆ្នាំមកហើយ ក៏អាចថាបានមកហាត់ក្បាច់គុននៅក្លឹប Cambodian Top Team (CTT) បន្ថែមទៀតផងដែរ។

អ្នកចម្រៀង សាំង សុខសេរី

តារាចម្រៀងសម័យបែប Hip Hop ខាងលើនេះបានឲ្យដឹងថា ខ្លួនចំណាយពេលហ្វឹកហាត់ក្បាច់គុននៅក្លឹប Cambodian Top Team នេះរយៈពេលប្រហែលជា ២-៣ ខែមកហើយ ខណៈគ្រូបង្វឹកទាំងនោះសុទ្ធតែជាអ្នកល្បីនិងធ្លាប់ប្រកួតពីមុនមកដូចជាកីឡាករ រិន សារ័ត្ន រួមទាំងកីឡាការិនី នៅ ស្រីពៅ ជាដើម។ «ហាត់ក្បាច់គុនបានផ្លាស់ប្ដូរខ្ញុំខ្លាំងមែនទែន។ កាលនៅក្មេងខ្ញុំខ្សោយណាស់ អញ្ចឹងក្មេងដ៏ទៃគេធ្វើបាបខ្ញុំ។ តែឥឡូវ គ្មានអ្នកណាហ៊ានទេ!» សម្ដីរបស់ សុខសេរី

រូបភាពរបស់ CTT

បន្ទាប់ពីហ្វឹកហាត់ពីហាត់ក្បាច់គុនជាមួយក្លឹបល្បីឈ្មោះ CTT រួចមក អ្នកចម្រៀងដែលមានថ្មីមាត់រូបនេះ មើលឃើញថាខ្លួនមានភាពខុសប្លែកពីមុនឆ្ងាយ ទាំងរាងកាយ គំនិតស្មារតី ហើយជាពិសេសនៅពេលដែលជួបរឿងភ័យតក់ស្លុតបែបណាក៏មិនដូចមុននោះឡើយ។ ក្រៅពីនេះក៏ចេះស្នៀតសម្រាប់ប្រើប្រាស់ការពារខ្លួនបានច្រើនទៀតផង។

រូបភាពរបស់ CTT

ក្រៅតែពីហ្វឹកហាត់ខ្លួនឯង អ្នកសិល្បៈម្នាក់នេះរួមដៃគ្នាជាមួយក្លឹបប្រដាល់ CTT និងសហការគ្នាជាមួយអង្គការក្រៅរដ្ឋាភិបាលមួយឈ្មោះថា Tiny Toones ដែលជួយកុមារដែលរងហានិភ័យខ្ពស់ ដើម្បីឲ្យពួកគេបានហ្វឹកហាត់ពង្រឹងរាងកាយ និងស្មារតីផងដែរ។

រំលឹកដែរថា សាំង សុខសេរី ជាតារាចម្រៀងសម័យបែប Hip Hop នៅប្រទេសកម្ពុជា។ តារាចម្រៀងរូបនេះតែងតែបង្ហាញមុខនៅតាមកម្មវិធីកម្សាន្តនានា ជាពិសេសកម្មវិធីសប្បុរសធម៌តែម្ដង៕

អត្ថបទ៖ Matias Andres