- 2018-12-23 02:51:37
- កីឡាផ្សេងៗ
សហព័ន្ធវ៉ូវីណាមបើកវគ្គសិក្សាបង្កើនសមត្ថភាព បានគ្រូឧបទេសកម្រិតលំដាប់អន្តរជាតិមកទៀតផង
- 2018-12-23 02:51:37
- ចំនួនមតិ 0 | ចំនួនចែករំលែក 0
សហព័ន្ធវ៉ូវីណាមបើកវគ្គសិក្សាបង្កើនសមត្ថភាព បានគ្រូឧបទេសកម្រិតលំដាប់អន្តរជាតិមកទៀតផង
ចន្លោះមិនឃើញ
សហព័ន្ធកីឡាវ៉ូវីណាមកម្ពុជា បើកវគ្គសិក្សាចៅក្រម អាជ្ញាកណ្ដាលលំដាប់អន្តជាតិរយៈពេល៤ថ្ងៃ ដើម្បីពង្រឹងសមត្ថភាពសិក្ខាកាមចូលរួមឲ្យរឹតតែច្បាស់ជាងមុនទៅមិនថាការប្រកួតជាតិ ឬអន្តជាតិនៅពេលខាងមុខណាមួយក៏ដោយ។
លោក អ៊ូ រតនា អនុប្រធានសហព័ន្ធបានឲ្យដឹងថា ដើម្បីពង្រឹងសមត្ថភាពចៅក្រម អាជ្ញាកណ្ដាល ឲ្យរឹតតែច្បាស់អំពីកិច្ចការងារទាំងអស់នេះនៅលើទីលានប្រកួតតែម្ដង។ ទៅតាមផែនការនោះគឺ១ឆ្នាំ ត្រូវបង្កើតឲ្យមានវគ្គសិក្សានេះម្ដង ដោយឡែកសម្រាប់សហព័ន្ធវ៉ូវីណាមកម្ពុជាបានបង្កើតជាវគ្គនេះឡើយជាលើកទី២ហើយ។ សម្រាប់វគ្គសិក្សានេះទៀតសោត មានលក្ខណៈពិសេសជាងលើកទី១ទៅទៀត ពោលមានការបង្ហាត់បង្រៀនពីគ្រូឧបទេសមកពីវៀតណាម ដែលលោកជាគ្រូអាជ្ញាកណ្ដាលលំដាប់ពិភពលោកផងដែរ។
អនុប្រធានរូបនេះបន្ថែមទៀតថា សិក្ខាកាមដែលចូលរួមវគ្គសិក្សានេះគឺចម្រុះមិនថាគ្រូ ឬសិស្សនោះទេ ពោលគឺចម្រុះ។ វគ្គសិក្សានេះដែរ នឹងជួយឲ្យកីឡាករ កីឡាការិនីកម្ពុជា បានច្បាស់អំពីច្បាប់នៃការដាក់ពិន្ទុ ងាយស្រួលពេលចេញទៅប្រកួតនៅក្រៅប្រទេស។ ក្រៅពីនេះក៏អាចជាទុនសម្រាប់ពួកគេនៅពេលដែលឈប់ប្រកួតអាចក្លាយជាអាជ្ញាកណ្ដាលចៅក្រមបានផងដែរ។
រំលឹកដែរថាវគ្គសិក្សាចៅក្រមអាជ្ញាកណ្ដាលរបស់សហព័ន្ធកីឡាវ៉ូវីណាមនេះធ្វើឡើងរុយៈពេល៤ថ្ងៃ គឺចាប់ពីថ្ងៃទី២២ ដល់ ២៥ ខែធ្នូ ២០១៨។ សិក្ខាកាមចូលរួមសរុបទាំងអស់ ៥០នាក់មកពី៥ខេត្ត គឺកំពង់ចាម កំពង់ធំ ស្វាយរៀង ព្រៃវែង និងជុំវិញរាជធានីភ្នំពេញ៕
