ពីរចំណុចជោគជ័យខ្លាំង ពីការប្រកួតកាយសម្ព័ន្ធពានរង្វាន់ ថោង ខុន លើកទី២នេះ

2018-11-30 02:59:39
កីឡាផ្សេងៗ

2018-11-30 02:59:39
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ការប្រកួតកីឡាកាយសម្ព័ន្ធពានរង្វាន់ ថោង ខុន លើកទី២នេះ ទទួលបានជោគជ័យខ្លាំង ហើយមានការរីកចម្រើនខ្លាំងមិនថាការប្រកួតប្រជែងរបស់កីឡាករ ឬចៅក្រមនោះទេ។

វគ្គសិក្សាចៅក្រម

លោក ណយ ផាន់ណា អគ្គលេខាធិការសហព័ន្ធខាងលើបានឲ្យដឹងថា តាមការមើលជាក់ស្ដែងឃើញថា ការប្រកួតជើងឯកថ្នាក់ជាតិ ឬពានរង្វាន់ ថោង ខុន នេះប្រព្រឹត្តិទៅយ៉ាងរលូន និងមានការសហការគ្នាបានល្អណាស់។

អ្នកជំនាញខាងកាយសម្ព័ន្ធខាងលើនេះលើកឡើងទៀតថា អ្វីដែលលោកចាប់អារម្មណ៍ទៀតនោះ គឺ ចៅក្រម ធ្វើការបានល្អជាងមុនទៅទៀត ស្ទើរតែគ្មានអ្វីសោះ ក្នុងការដាក់ពិន្ទុ ឬមើលកីឡាករនៅពេលប្រកួត។ ទាំងនេះដោយសារតែ ពួកគេបានទៅសិក្សាវគ្គចៅក្រមនៅក្រៅប្រទេស និងមួយចំនួនទៀត យកចិត្តទុកដាក់ខ្លាំងនៅពេលឆ្លងកាត់វគ្គមួយទៀតមុនការប្រកួតចាប់ផ្ដើមប៉ុន្មានថ្ងៃនេះ។

ទិដ្ឋភាពពេលប្រកួត

ចំណុចល្អនៃការប្រកួតមួយទៀតនោះ គឺការប្រកួតប្រជែងរបស់កីឡាករ កីឡាការិនី ដែលចូលរួម ពួកគេខំប្រឹងខ្លាំងមែនទែន ដើម្បីបានឈ្នះក្នុងកម្មវិធីពានរង្វាន់នេះ មិនមែនជាការប្រកួតចែកមេដាយគ្នានោះឡើយ ពោលជាការបញ្ចេញសមត្ថភាពពិតប្រាកដទើបអាចឈ្នះបាន។

ទិដ្ឋភាពម្សិលមិញ

ការប្រកួតជើងឯកថ្នាក់ជាតិ ឬពានរង្វាន់ ថោង ខុន លើកទី២នេះ បានបញ្ចប់ទៅហើយកាលពីល្ងាចថ្ងៃម្សិលមិញនេះនៅឯពហុកីឡដ្ឋានជាតិ។ ការប្រកួតចាប់ផ្ដើមឡើងរយៈពេល ៦ថ្ងៃ ចាប់ពីថ្ងៃទី២៤ ខែវិច្ឆិកា ២០១៨ កន្លងទៅនេះ៕

អត្ថបទ៖ នួន ស៊ីណា