- 2018-11-25 02:34:36
- កីឡាផ្សេងៗ
សម្រេចម្សិលមិញ កម្ពុជាបានកីឡាខ្លាំង៦ប្រភេទសម្រាប់ស៊ីហ្គេម២០១៩
- 2018-11-25 02:34:36
- ចំនួនមតិ 0 | ចំនួនចែករំលែក 0
សម្រេចម្សិលមិញ កម្ពុជាបានកីឡាខ្លាំង៦ប្រភេទសម្រាប់ស៊ីហ្គេម២០១៩
ចន្លោះមិនឃើញ
គណៈកម្មាធិការរៀបចំការប្រកួតកីឡាធំប្រចាំតំបន់អាស៊ានដែលមាន២ឆ្នាំម្តង Sea Games បានសម្រេចដាក់កីឡា៥៦ប្រភេទក្នុងឆ្នាំ២០១៩ខាងមុខដែលប្រទេសហ្វីលីពីនទទួលរៀបចំធ្វើម្ចាស់ផ្ទះ។
តាមការឲ្យដឹងពីឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានឲ្យដឹងថា កិច្ចប្រជុំចុងក្រោយបំផុតដើម្បីត្រៀម SEA Games លើកទី៣០ ឆ្នាំ២០១៩ នៅទីក្រុងម៉ានីល ប្រទេសហ្វីលីពីន ពីថ្ងៃទី២៣-២៤ ខែវិច្ឆិកា ២០១៨នេះបានសម្រេច៖
ទី១៖ ម្ចាស់ផ្ទះហ្វីលីពីនសម្រេចចុងក្រោយជាផ្លូវការដាក់ចំនួន៥៦ប្រភេទកីឡា។
ទី២៖ ចំនួនវិញ្ញាសាវិញមិនទាន់ប្រកាសជាផ្លូវការនៅឡើយទេ គឺម្ចាស់ផ្ទះហ្វីលីពីននឹងប្រកាសនៅថ្ងៃទី៧ ខែធ្នូ ២០១៨ ដោយយកមូលដ្ឋាននៃការស្នើសុំពីគណៈកម្មាធិការអូឡាំពិកជាតិ(NOC)ពីប្រទេសនីមួយក្នុងអាស៊ាន។
ទី៣៖ ព្រឹត្តិការណ៍កីឡា SEA Games 2019 នឹងបើកជាផ្លូវការនាថ្ងៃទី៣០ ខែវិច្ឆិកា និងបិទបញ្ចប់នៅថ្ងៃទី១១ ខែធ្នូ។
ក្នុងចំណោម៥៦ប្រភេទកីឡាឃើញថា កីឡាមួយចំនួនរបស់កម្ពុជាសុទ្ធតែមានសក្ដានុពលសង្ឃឹមទទួលបានមេដាយច្រើន។ ជាក់ស្តែងកីឡា តេក្វាន់ដូ ប៉េតង់ វ៉ូវីណាម ជឺជិតស៊ូ ស្នូឃ័រ (ប្រភេទBilliards) សូហ្វតិន្នីស។ ប្រភេទកីឡាទាំងនេះ កម្ពុជាសុទ្ធតែធ្លាប់ទទួលបានមេដាយកម្រិតអាស៊ី និងពិភពលោក។
ស៊ន សៀវម៉ី ជាកីឡាការិនីតេក្វាន់ដូកម្ពុជាតែងទទួលបានមេដាយកម្រិតតំបន់ និងអាស៊ីជូនកម្ពុជា។ វីរនារី កែវ ឡេង អ៊ុក ស្រីមុំ និងកីឡាករ សុខ ចាន់មាន ជាដើម្បីសុទ្ធតែម្ចាស់មេដាយមាសប៉េតង់កម្រិតពិភពលោក។ បើនិយាយពីកីឡាករ កីឡាការិនីវ៉ូវីណាមវិញគឺឈ្នះមេដាយមាសពិភពលោក និងអាស៊ីជាច្រើនគ្រឿងរួចមហើយ ខណៈកីឡាថ្មីសម្រាប់កម្ពុជាគឺជឺជិតស៊ូ កីឡាការិនីខ្មែរ-អាមេរិក ចាន់ ចេសាទើបឈ្នះមេដាយមាសអាស៊ីកាលពីពេលថ្មីៗនេះ។ កីឡាការិនីខ្មែរនៅកូរ៉េ ស្រុង ភាវី ក៏លេចធ្លោកម្រិតពិភពលោកផ្នែកកីឡាស្នូឃ័រ។
ជាមួយគ្នាប្រភេទកីឡាបាល់ទាត់ កិច្ចប្រជុំក៏បានសម្រេចឯកភាពគ្នាដាក់កម្រិតយុវជនក្រោមអាយុ២២ឆ្នាំ។
តាមការបញ្ជាក់ពីឯកឧត្តម វ៉ាត់ ចំរើនថា សម្រាប់កីឡា SEA Games 2019 នៅប្រទេសហ្វីលីពីន និង SEA Games 2021 នៅប្រទេសវៀតណាមគឺគោលដៅយុទ្ធសាស្ត្រសម្រាប់កម្ពុជាវាយតម្លៃគុណផលដើម្បីឆ្ពោះទៅឆ្នាំ២០២៣ដែលកម្ពុជាធ្វើម្ចាស់ផ្ទះរៀបចំការប្រកួត៕
