Maradona ចង់ឃើញ Messi ចូលនិវត្តន៍ពីអាហ្សង់ទីន

2018-10-02 03:00:14
ព័ត៌មាន

2018-10-02 03:00:14
ចំនួនមតិ 0 | ចំនួនចែករំលែក 0

ចន្លោះមិនឃើញ

Diego Maradona វីរបុរសក្រុមជម្រើសជាតិអាហ្សង់ទីនទទូចឲ្យ Lionel Messi ដើរចេញពីក្រុមជម្រើសជាតិជាផ្លូវការដោយមិនបាច់ខ្វល់ខ្វាយពីបាល់ទាត់អន្តរជាតិតទៅទៀតទេ។

Messi និងក្រុមជើងខ្លាំងនៅអាមេរិកឡាទីនបានខកចិត្តក្រោយខ្ទាតចេញពី World Cup សារជាថ្មីត្រឹមវគ្គ១៦ក្រុមចុងក្រោយធ្វើឲ្យមានសម្ពាធ និងការរិះគន់គ្រប់ទិសទីលើតារាឆ្នើមក្រុម Barcelona។ ជាលទ្ធផលគ្រូបង្វឹក Jorge Sampaoli ត្រូវអស់ការងារធ្វើ ហើយ Messi ខ្លួនឯងសុំដកខ្លួនពីជម្រើសជាតិមួយរយៈសុំពេលសម្រាក។

ខ្សែប្រយុទ្ធវ័យ៣១ឆ្នាំគ្មានឈ្មោះក្នុងបញ្ជីលោក Lionel Scaloni ដែលជាគ្រូបង្វឹកបណ្ដោះអាសន្នចំនួន២ប្រកួតមកហើយដោយសារមិនទាន់បង្ហើបពីថ្ងៃរូបគេត្រឡប់មកវិញ។ ចំពោះបញ្ហានេះ Maradona បានផ្ដល់យោបល់ថា Messi មកគួរមកលេង Champions league វិញឡើយ។

"តើខ្ញុំគួរនិយាយអ្វីទៅ Messi គឺមានតែកុំឲ្យគេត្រឡប់មកវិញ ហើយចូលនិវត្តន៍តែម្ដង។ គ្រប់គ្នាតែងតែទម្លាក់កំហុសទៅ Messi ជានិច្ច សម្រាប់ពេលនេះទោះក្រុមអាយុក្រោម១៥ឆ្នាំចាញ់ ក៏ Messi ជាអ្នកខុសដែរ។ ខ្ញុំចង់ឲ្យ Messi ចូលនិវត្តន៍ហើយចាំមើលក្រុមអាហ្សង់ទីនអាចឈរដោយគ្មានគេបានឬអត់"។ Maradona និយាយដូច្នេះ៕