- 2018-09-27 03:21:19
- កីឡាផ្សេងៗ
ស្រួង ភាវី កំពុងរៀបចំគម្រោងល្អមួយជូនកម្ពុជាតែ...
- 2018-09-27 03:21:19
- ចំនួនមតិ 0 | ចំនួនចែករំលែក 0
ស្រួង ភាវី កំពុងរៀបចំគម្រោងល្អមួយជូនកម្ពុជាតែ...
ចន្លោះមិនឃើញ
កីឡាការិនីជម្រើសជាតិប៊ឺយ៉ា និងស្នូកឃ័រកម្ពុជា ស្រួង ភាវី កំពុងរៀបចំគម្រោងបើកសាលាកីឡាមួយនៅកម្ពុជា ប៉ុន្តែខ្វះទីតាំង។
កីឡាការិនីរូបនេះបានឲ្យដឹងថា ខ្លួនមានអ្នកចាំជួយឧបត្ថម្ភជាច្រើននៅប្រទេសកូរ៉េ ហើយពេលនេះកំពុងស្វែងទីតាំងល្អណាមួយ ដើម្បីបើកសាលាកីឡា។ ប៉ុន្តែគម្រោងនេះវាធំពេក ដែលត្រូវការទីតាំងធំណាមួយ និងពេលវេលាច្រើនបន្តិច ដើម្បីសិក្សាពីគម្រោងនេះ។
ម្ចាស់មេដាយសំរឹទ្ធពិភពលោកកីឡាស្នូកឃ័ររូបនេះបន្ថែមថា បើគិតមកដល់ពេលនេះលោកស្រីបានសិក្សាពីចំណុចសំខាន់ខ្លះៗ ដែលទាក់ទងពីការបើកសាលាកីឡា។ មូលហេតុដែលអ្នកស្រីចង់បើកសាលាកីឡានេះគឺដោយសារនៅកូរ៉េមានអ្នកចាំជួយឧបត្ថម្ភស្រាប់ ពិសេសគឺអាចជួយដល់វិស័យកីឡាកម្ពុជាឲ្យមានភាពរីកចម្រើន។ តែយ៉ាងណាគម្រោងនេះមិនទាន់ប្រាកដ ១០០ % នៅឡើយ ពីព្រោះវាជាគម្រោងដ៏ធំមួយ ដូច្នេះត្រូវការសិក្សាឲ្យច្បាស់សិន។
កីឡាការិនី ស្រួង ភាវី ជាជើងខ្លាំងកីឡាស្នូកឃ័រនៅប្រទេសកូរ៉េ ហើយបានចូលខ្លួនប្រកួតតំណាងឲ្យកម្ពុជាជាលើកទី១កាលពីពេលថ្មីៗក្នុងព្រឹត្តិការណ៍ពិភពលោកនៅប្រទេសទួរគី ដែលជាលទ្ធផលគឺដណ្ដើមបានមេដាយសំរឹទ្ធពីព្រឹត្តិការណ៍នោះ៕