- 2018-08-30 10:49:33
- បាល់ទាត់
ក្មេងទេ តែមានមហិច្ឋតាខ្ពស់ បានជាប់ទៅហ្វឹកហាត់នៅថៃ ហើយចង់ខ្លាំងលើសគេទៀត
- 2018-08-30 10:49:33
- ចំនួនមតិ 0 | ចំនួនចែករំលែក 0
ក្មេងទេ តែមានមហិច្ឋតាខ្ពស់ បានជាប់ទៅហ្វឹកហាត់នៅថៃ ហើយចង់ខ្លាំងលើសគេទៀត
ចន្លោះមិនឃើញ
កីឡាករបាល់ទាត់វ័យក្មេងរបស់កម្ពុជាដែលមានទេពកោសល្យពីររូប ត្រូវបានជ្រើសរើសឱ្យចូលរួមក្នុងកម្មវិធីបោះជំរំហ្វឹកហាត់បាល់ទាត់ MILO Camp រយៈពេល ៤ថ្ងៃ ដែលនឹងទទួលបានការបណ្តុះបណ្ដាលដោយគ្រូបង្វឹកមកពីប្រទេសថៃ និងមកពីក្លឹប FC Barcelona ។
កីឡាករវ័យក្មេងទាំងពីររូបនេះ ដែលមានអាយុ ១០ឆ្នាំ ត្រូវបានជ្រើសរើសចេញពីក្នុងចំណោមក្មេងៗដែលមានទេពកោសល្យទាត់បាល់ល្អបំផុតក្នុងប្រទេសកម្ពុជា។ មានការសង្ឃឹមទុកថា វគ្គបណ្ដុះបណ្ដាលនេះនឹងជួយពួកគេក្នុងការអភិវឌ្ឍជំនាញឲ្យកាន់តែមានការរីកចម្រើនបន្ថែមទៀត ហើយពួកគេអាចចែករំលែកនូវចំណេះដឹង ជំនាញដែលទទួលបាននេះទៅដល់មិត្តភ័ក្ដិ និងមិត្តរួមក្រុមក្រោយពេលដែលពួកគេត្រឡប់មកកាន់ប្រទេសកម្ពុជាវិញ។
ផ្តើមចេញពីការបង្កើតភាពជាដៃគូរវាង ម៉ៃឡូ នៃក្រុមហ៊ុន Nestlé និង FC Barcelona ការបោះជំរំហ្វឹកហាត់នេះ គឺជាឱកាសថ្មី សម្រាប់កីឡាករវ័យក្មេងចំនួន ៥២ នាក់ ដែលមានអាយុចន្លោះពី ៧-១២ ឆ្នាំ នឹងត្រូវបានជ្រើសរើស ដើម្បីមានឱកាសធ្វើដំណើរទៅកាន់ Barcelona នាខែតុលា ខាងមុខនេះ សម្រាប់វគ្គហ្វឹកហាត់ដែលធ្វើឡើងដោយគ្រូបង្វឹកលំដាប់កំពូលៗរបស់ក្លឹបមួយនេះ។
កម្មវិធីហ្វឹកហាត់នេះ អាចកើតមានឡើងក៏ដោយសារភាពជាដៃគូរវាង ម៉ៃឡូ នៃក្រុមហ៊ុន Nestlé និង FC Barcelona ដែលបានបង្កើតឡើងដើម្បីជំរុញ និងលើកទឹកចិត្តកុមារនៅទូទាំងពិភពលោកទាំងអស់ឱ្យចូលរួមលេងកីឡាឲ្យបានច្រើន និងដើម្បីជួយលើកតម្កើង និងឱ្យតម្លៃដល់ក្លឹប FC Barcelona ក៏ដូចជារៀនពីរបៀបដោះស្រាយបញ្ហាទាំងអស់នោះនៅក្នុងជីវិតរបស់ពួកគេ។
ដោយមានការគាំទ្រពី MILO អត្តពលិកកម្ពុជាទាំងពីររូបនេះ នឹងធ្វើដំណើរទៅប្រទេសថៃជាមួយតំណាងចូលរួមមកពីក្រសួងអប់រំ យុវជន និងកីឡា និងសហព័ន្ធកីឡាបាល់ទាត់កម្ពុជា។ការបោះជំរំនេះនឹងត្រូវធ្វើឡើងនៅក្លឹប PTT Bluewave Chonburi Futsal Club ក្នុងខេត្ត Chonburi ប្រទេសថៃ។
ឯកឧត្តម អ៊ុក សិទ្ធីជាតិ អគ្គនាយកនៃអគ្គនាយកដ្ឋានកីឡានៃក្រសួងអប់រំ យុវជន និងកីឡា បានថ្លែងឲ្យដឹងថា លោកពិតជាសប្បាយចិត្តណាស់ដែលបានឃើញអត្តពលិកកម្ពុជា ត្រូវបានផ្តល់ឱកាសឱ្យចូលរួមក្នុងកម្មវិធីនេះជាលើកដំបូង។ លោកបាននិយាយថា៖ "បាល់ទាត់ ជាកីឡាមួយប្រភេទដែលកំពុងមានការរីកចម្រើនខ្លាំងនៅក្នុងប្រទេសកម្ពុជា និងត្រូវបានជ្រើសរើសជាប្រភេទកីឡាម្យ៉ាងសម្រាប់បង្រៀនក្មេងៗនូវបំណិនជីវិតសំខាន់ៗជាច្រើន។