- 2018-08-07 23:05:00
- វិភាគ
កាក់កប! ត្រឹម២រដូវកាលចុងក្រោយ Monaco លក់កីឡាករបាន៥៥០លានអឺរ៉ូ
- 2018-08-07 23:05:00
- ចំនួនមតិ 0 | ចំនួនចែករំលែក 0
កាក់កប! ត្រឹម២រដូវកាលចុងក្រោយ Monaco លក់កីឡាករបាន៥៥០លានអឺរ៉ូ
ចន្លោះមិនឃើញ
ក្នុងវិស័យបាល់ទាត់ ក្រឡេកមើលប៉ុន្មានរដូវកាលចុងក្រោយក្លឹបជើងឯក Ligue 1 រដូវកាល២០១៦-១៧ Monaco ហាក់កាក់កបខ្លាំងនឹងការលក់កីឡាករខ្លួនចេញ ដោយមិនខ្លាចតុល្យភាពក្នុងក្រុមប្រែប្រួល។
ជាការពិតបាល់ទាត់ក្រៅជាប្រភេទកីឡា វាក៏ជាផ្នែកពាណិជ្ជកម្មមួយនៃក្បាលម៉ាស៊ីនរបស់សេដ្ឋីដែលជាអ្នកគ្រប់គ្រងក្លឹបនីមួយ។ ដូច្នេះមុននឹងគេសម្រេចចិត្តទិញឬលក់កីឡាករ សុទ្ធតែជាផ្នែកក្នុងគម្រោងរបស់ក្លឹប អាចនិយាយបានថា មិនមែនចេះតែធ្វើតាមអំពើចិត្តនោះទេ។
ក្នុងបាល់ទាត់ពេលនេះ Monaco អាចចាត់ទុកជាក្លឹបកំពុងជោគជ័យក្នុងការលក់កីឡាករចេញ។ មូលហេតុ ព្រោះកីឡាកររបស់ពួកគេនីមួយៗទើបតែមានអ្នកស្គាល់ប្រមាណជា២ឆ្នាំចុងក្រោយនេះទេ ប៉ុន្តែការលក់ចេញទទួលបានថ្លៃចំណេញកប់ពពក។ តាមតួលេខ២រដូវកាលចុងក្រោយក្លឹបដែលមានប្រធានជាអ្នកជំនួសរុស្សីលោក Dmitry Rybolovlev លក់កីឡាករបាន៥៥០លានអឺរ៉ូ។
Kylian Mbappe ជាកីឡាករដែល Monaco លក់បានថ្លៃជាងគេឲ្យទៅ PSG បាន១៨០លានអឺរ៉ូ។ Thomas Lemar (Atlético Madrid តម្លៃ៧០លានអឺរ៉ូ) Benjamin Mendy (Man City តម្លៃ៥៧,៥លានអឺរ៉ូ) Bernardo Silva (Man City តម្លៃ៥០លានអឺរ៉ូ) Fabinho (Liverpool តម្លៃ៤៥លានអឺរ៉ូនិង Tiemoue Bakayoko (Chelsea តម្លៃ៤០លានអឺរ៉ូ) អ្នកទាំងអស់នេះជាកីឡាករ Monaco លក់ចំណេញបានច្រើនជាងគេ។ ក្រៅពីការលក់កីឡាករសំខាន់ៗចេញ Monaco នៅតែមិនញញើត ថែមទាំងលក់កីឡាករកម្រិតមធ្យមច្រើនរូបទៀតដែលគ្រប់គ្នាមិនចាប់អារម្មណ៍។ Terence Kongolo និង Adama Diakhaby បានចាកចេញទៅចូលរួមជាមួយ Huddersfield ក្នុងតម្លៃខ្លួន២០និង១០លានអឺរ៉ូ។ Ghezzal (១៤លានអឺរ៉ូ), Joao Moutinho (៥,៥លានអឺរ៉ូ) និង Soualiho Meite (១០លានអឺរ៉ូ) ទៅលេងនៅ Leicester, Wolverhampton និង Torino។
បាត់កីឡាករល្អកាន់តែច្រើន តើ Monaco នៅតែអាចធ្វើបានល្អទៀតឬយ៉ាងណាក្នុងលីគ ខណៈរដូវកាលមុនពួកគេឈរលេខ២នៅ Ligue 1 ក្រោម PSG ១៣ពិន្ទុ៕