- 2018-07-02 13:09:52
- បាល់ទាត់
ឆ្ងល់អត់ ម៉េចបាន Maradona ពាក់នាឡិកាដល់ទៅពីរ?
- 2018-07-02 13:09:52
- ចំនួនមតិ 0 | ចំនួនចែករំលែក 0
ឆ្ងល់អត់ ម៉េចបាន Maradona ពាក់នាឡិកាដល់ទៅពីរ?
ចន្លោះមិនឃើញ
ក្នុង World Cup ២០១៨ អតីតកីឡាករឆ្នើម Diego Maradona បានក្លាយជាបុគ្គលគួរឲ្យចាប់អារម្មណ៍មួយរូបរបស់ប្រព័ន្ធផ្សព្វផ្សាយអន្តរជាតិជាច្រើន ដោយសារតែលោកបានបង្ហាញមិនលាក់លៀមសូម្បីបន្តិច អំពីការគាំទ្រដ៏ជ្រាលជ្រៅសម្រាប់ក្រុមជម្រើសជាតិអាហ្សង់ទីន។ លើសពីនេះ ចំណុចគួរឲ្យចាប់អារម្មណ៍មួយទៀតអំពី Maradona គឺថា វីរបុរសបាល់ទាត់រូបនេះត្រូវបានប្រទះឃើញថា បានពាក់នាឡិកាដល់ទៅពីរ ក្នុងអំឡុងពេលទស្សនា World Cup លើកនេះ។
មិនមានការឆ្លើយតបផ្ទាល់ ពីសាមីខ្លួន Maradona អំពីមូលហេតុដែលនាំឲ្យលោកពាក់នាឡិកាជ្រែកដៃ ស្ដាំផង ឆ្វេងផង បែបនេះឡើយ។ ទោះជាយ៉ាងណា បើតាមការអះអាងរបស់សារព័ត៌មាន The Sun លោក Maradona ពាក់នាឡិកាដល់ទៅពីរ គឺដោយសារ មួយសម្រាប់មើលម៉ោងក្នុងស្រុក (ម៉ោង នៅអាហ្សង់ទីន) និងមួយសម្រាប់មើលម៉ោងនៅរុស្ស៊ី។
សូមបញ្ជាក់ផងដែរថា ដោយរុស្ស៊ីមានផ្ទៃដីធំ តំបន់ជាច្រើនក៏មានម៉ោងខុសៗគ្នាផងដែរ។ បើតាមគេហទំព័រ Time and Date រុស្ស៊ីមានល្វែងម៉ោងដល់ទៅ ១១ ខុសគ្នា។ តំបន់ខ្លះនៅរុស្ស៊ីមានម៉ោងលើសអាហ្សង់ទីនចំនួន ៥ ម៉ោង ខណៈតំបន់ខ្លះទៀត មានម៉ោងលើសដល់ទៅ ១០ ម៉ោង៕