- 2018-06-29 07:33:17
- ព័ត៌មាន
កីឡាការិនីឆ្នើម ស្រួង ភាវី និយាយសំដីគួរឲ្យសរសើរព្រឹកមិញ
- 2018-06-29 07:33:17
- ចំនួនមតិ 0 | ចំនួនចែករំលែក 0
កីឡាការិនីឆ្នើម ស្រួង ភាវី និយាយសំដីគួរឲ្យសរសើរព្រឹកមិញ
ចន្លោះមិនឃើញ
សហព័ន្ធកីឡាប៊ីយ៉ា និងស្នូកឃ័រកម្ពុជាបានប្រកាសសុពលភាពអាណត្តិទី១ជាផ្លូវការកាលពីព្រឹកថ្ងៃទី២៩ ខែមិថុនានេះនៅទីស្នាក់ការនៃគណៈកម្មាធិការជាតិអូឡាំពិកកម្ពុជាក្នុងនោះកីឡាការិនីស្នូកឃ័រឆ្នើមកម្ពុជា ស្រួង ភាវី ក៏មានវត្តមានដែរ។
ស្រួង ភាវី ជានារីខ្មែរម្នាក់គត់កំពុងល្បីល្បាញនៅកូរ៉េខាងត្បូងបានបង្ហាញពីចំណាប់អារម្មណ៍រំភើបរីករាយដែលបានក្លាយជាសមាជិកនៃសហព័ន្ធម្នាក់។ កីឡាការិនីខ្មែរល្បីនៅក្រៅស្រុករូបនេះបានប្តេជ្ញាអស់ពីកម្លាំងកាយចិត្តដើម្បីជួយដល់កីឡាប៊ីយ៉ា និងស្នូកឃ័រឲ្យរីកចម្រើន និងមានសិទ្ធិស្មើមុខមាត់លើឆាកអន្តរជាតិដើម្បីចូលរួមប្រកួតពានរង្វាន់ផ្សេងៗ។
ស្រួង ភាវី ដែលមានដើមកំណើតនៅខេត្តត្បូងបានលើកឡើងសំដីគួរឲ្យចាប់អារម្មណ៍នៅចំពោះមុខមហាសន្និបាតថា ៖«យើងជាស្ត្រីខ្មែរត្រូវរឹងមាំដើម្បីជាតិ! ជយោកម្ពុជា»។ ការលើកឡើងបែបនេះហាក់ដូចជាត្រូវនឹងខ្សែជីវិតរបស់គាត់ដែលបានរៀបការជាមួយបុរសជាតិកូរ៉េ និងបានតស៊ូពីចំណុចសូន្យលើទឹកដីប្រទេសទី២រហូតក្លាយជានារីម្នាក់ដែលមានតម្លៃសម្រាប់ជាតិ។ ខ្សែជីវិតតស៊ូរបស់កីឡាការិនីកម្ពុជារូបនេះជាគំរូ និងជាកម្លាំងចិត្តដ៏សំខាន់ដើម្បីលើកទឹកចិត្តដល់នារីខ្មែរផ្សេងៗឲ្យប្រឹងប្រែងតស៊ូក្នុងឆាកជីវិត។
ឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជាបានកោតសរសើរចំពោះការប្រឹងប្រែងរបស់កីឡាការិនី ស្រួង ភាវី ដែលបានតស៊ូពីនារីសាមញ្ញម្នាក់ក្លាយជាកីឡាការិនីឆ្នើមលំដាប់អន្តរជាតិ និងធ្វើឲ្យពិភពលោកស្គាល់សមត្ថភាពកូនខ្មែរ។ ជាពិសេសទៀតនោះគឺបន្ទាប់ពីល្បីហើយ ភាវីបានកំពុងប្រែងប្រែងដើម្បីជួយកីឡាប្រភេទនេះឲ្យរីកចម្រើននៅស្រុកខ្មែរថែមទៀត។
តាមពិតទៅ ស្រួង ភាវី បានរស់នៅប្រទេសកូរ៉េជាច្រើនឆ្នាំដែលមានលទ្ធភាពដើម្បីចូលសញ្ជាតិកូរ៉េខាងត្បូងបាន ប៉ុន្តែកីឡាការិនីរូបនេះមិនចូលសញ្ជាតិកូរ៉េឡើយដោយនាងចង់តំណាងឲ្យប្រទេសកម្ពុជា និងលើកទង់ជាតិខ្មែរលើឆាកអន្តរជាតិក្នុងនាមជានារីខ្មែរ។
លោក ជុំ កុសល ប្រធានសហព័ន្ធកីឡាប៊ីយ៉ា និងស្នូកឃ័រកម្ពុជាអាណត្តិទី១នេះបានឲ្យដឹងថា បន្ទាប់ពីសហព័ន្ធប្រកាសសុពលភាពភ្លាម ឯកឧត្តមបណ្ឌិត ហ៊ុន ម៉ាណែតបានចំណាយប្រាក់ផ្ទាល់ខ្លួនឧបត្ថម្ភ១ម៉ឺនដុល្លារអាមេរិកដើម្បីទ្រទ្រង់ និងដំណើរសហព័ន្ធឲ្យកីឡានេះរីកចម្រើន។
សមាជិកប្រតិបត្តិសហព័ន្ធកីឡាប៊ីយ៉ា និងស្នូកឃ័រកម្ពុជា