- 2018-05-04 07:47:52
- កីឡាផ្សេងៗ
សហព័ន្ធវ៉ូវីណាម សង្ឃឹមការប្រកួតកីឡាជាតិលើកទី២ ធ្វើឲ្យមហាជនស្គាល់កាន់តែច្រើន
- 2018-05-04 07:47:52
- ចំនួនមតិ 0 | ចំនួនចែករំលែក 0
សហព័ន្ធវ៉ូវីណាម សង្ឃឹមការប្រកួតកីឡាជាតិលើកទី២ ធ្វើឲ្យមហាជនស្គាល់កាន់តែច្រើន
ចន្លោះមិនឃើញ
ប្រធានសហព័ន្ធវ៉ូវីណាមកម្ពុជា រំពឹងថា ការប្រកួតកីឡាជាតិលើកទី២នេះ នឹងជួយឲ្យប្រភេទកីឡានេះកាន់តែរីកសុះសាយបន្ថែមទៀត ហើយមហាជនអាចចូលរួមទស្សនាការនានានៅឯពហុកីឡដ្ឋានមរតកតេជោ។
លោកឧកញ៉ា រ័ត្ន សាខន ប្រធានសហព័ន្ធវ៉ូវីណាមកម្ពុជា ប្រាប់ឲ្យដឹងថា សម្រាប់សហព័ន្ធបានត្រៀមខ្លួនរួចរាល់ហើយ ចំពោះការរៀបចំការប្រកួតកីឡាជាតិលើកទ២នេះ ទាំងមន្ត្រីបច្ចេកទេស ក៏ដូចជាការគ្រប់គ្រងលើកិច្ចការផ្សេងៗ។
ប្រធានសហព័ន្ធខាងលើបន្ថែមថា បើគិតទៅវ៉ូវីណាមកម្ពុជាមានភាពល្បីល្បាញខ្លាំងលើឆាកអន្តរជាតិ ដែលប្រទេសជាច្រើនបានស្គាល់ និងដឹងពីសមត្ថភាពមិនធម្មតា ហើយជាពិសេសនោះការឈ្នះមេដាយស្ទើរគ្រប់លំដាប់ថ្នាក់នាពេលកន្លងមក។ ប៉ុន្តែនៅកម្ពុជាវិញ មហាជនហាក់មិនសូវស្គាល់ពីកីឡាមួយនេះឡើយ ដូច្នេះការប្រកួតកីឡាជាតិលើកនេះ សង្ឃឹមថានឹងទទួលបានការគាំទ្របន្ថែម ក៏ដូចជាបានផ្សព្វផ្សាយដឹងឮប្រជាជនកម្ពុជាថែមទៀត។
កីឡាវ៉ូវីណាមកម្ពុជា ចាប់ផ្ដើមប្រកួតក្នុងព្រឹត្តិការណ៍កីឡាជាតិលើកទី២នេះ ពីថ្ងៃទី២៤ ដល់ ២៨ ខែឧសភា ឆ្នាំ២០១៨ នៅឯពហុកីឡដ្ឋានមរតតេជោ។ ក្លឹបដែលនឹងត្រូវចូលរួមប្រកួតប្រជែងមានចំនួន៧ក្លឹប រួមមាន រាជធានីភ្នំពេញ ក្រសួងការពារជាតិ ប៉ូលិស ព្រៃវែង កំពង់ចាម កណ្ដាល និងទី៧ ខេត្តកំពត៕