- 2020-03-29 01:07:09
- បាល់ទាត់
ប្រមុខ UEFA ថាគ្រប់លីគនៅអឺរ៉ុបអាចត្រូវរំសាយចោលព្រោះកូរ៉ូណា
- 2020-03-29 01:07:09
- ចំនួនមតិ 0 | ចំនួនចែករំលែក 0
ប្រមុខ UEFA ថាគ្រប់លីគនៅអឺរ៉ុបអាចត្រូវរំសាយចោលព្រោះកូរ៉ូណា
ចន្លោះមិនឃើញ
Aleksander Ceferin ប្រមុខសហព័ន្ធបាល់ទាត់ទ្វីបអឺរ៉ុបហៅកាត់ថា UEFA ចេញមកបញ្ជាក់ឲ្យដឹងថាគ្រប់ក្របខ័ណ្ឌបាល់ទាត់ទាំងអស់នៅរដូវកាលនេះអាចនឹងរំសាយចោល។
ជម្រើសរំសាយនេះក្នុងករណីស្ថានការណ៍កាន់តែដុនដាបទៅ ហើយក្របខ័ណ្ឌបាល់ទាត់ទាំងអស់មិនអាចចាប់ផ្ដើមប្រកួតវិញនៅចុងខែមិថុនា។ រៀងរាល់រដូវកាលនៅចុងខែឧសភាក្របខ័ណ្ឌនីមួយៗនៅអឺរ៉ុបបានចប់អស់ទៅហើយ សម្រាប់រដូវកាលនេះបើចុងខែមិថុនានៅមិនទាន់បានលេងផងនោះគឺ UEFA អាចរំសាយ។
បុរសវ័យ៥២ឆ្នាំបន្តថា មានជម្រើស៣ឲ្យប្រទេសនីមួយៗធ្វើការសម្រេចចិត្តគឺចាប់ផ្ដើមលេងវិញនៅពាក់កណ្ដាលខែឧសភា, ដើមខែមិថុនា និងចុងខែមិថុនា។ ក្នុងន័យនេះបើចុងខែមិថុនានៅមិនអាចលេងលីគបានវិញគ្រប់យ៉ាងគឺអស់លទ្ធភាពស្ដារឡើងវិញហើយ។
គួរបញ្ជាក់ថានៅ Premier League គ្រោងចាប់ផ្ដើមប្រកួតវិញនៅចុងខែមេសា ប៉ុន្តែស្ថានភាពនៅប្រទេសអង់គ្លេសហាក់មិនធូរស្រាលសោះក្រោយនាយករដ្ឋមន្ត្រី និងសមាជិករាជវង្សនៅប្រទេសនេះសុទ្ធតែត្រូវឆ្លងវីរុសកូរ៉ូណា៕