- 2020-03-26 02:11:01
- ប្រដាល់
ធន់ សុភា៖ ប៊ុន សុធា អំឡុងពេល COVID-19 ឲ្យឆ្លៀតហ្វឹកហាត់ម្នាក់ឯង
- 2020-03-26 02:11:01
- ចំនួនមតិ 0 | ចំនួនចែករំលែក 0
ធន់ សុភា៖ ប៊ុន សុធា អំឡុងពេល COVID-19 ឲ្យឆ្លៀតហ្វឹកហាត់ម្នាក់ឯង
ចន្លោះមិនឃើញ
ដោយសារតែជំងឺ COVID-19 នេះបានធ្វើឲ្យវិស័យកីឡាប្រដាល់ផ្អាកសកម្មភាព និងផ្អាកការប្រកួតនៅតាមសង្វៀននានាក្នុងនោះក៏មានសង្វៀន PNN ដែរដែលត្រូវផ្អាកប្រកួតផ្ដាច់ព្រ័ត្រខ្សែក្រវាត់ប្រាក់រវាង ប៊ុន សុធា និង ឃូន ឡាំកូស៊ីន។
លោក ធន់ សុភា បានឲ្យដឹងថា អំឡុងពេលជំងឺ COVID-19 កំពុងវ៉ៃលុកនេះបើអាចឆ្លៀតបានឆ្លៀតទៅគឺហ្វឹកហាត់ម្នាក់ឯងតាមដែលអាចធ្វើបាន ដូចជារត់ម្នាក់ឯងជាដើម។ លើកលែងតែការហ្វឹកហាត់ជុំគ្នា ឬនៅជុំគ្នាទៅបានហើយ។
គ្រូប្រដាល់នៅក្រសួងការពារជាតិរូបនេះបន្តប្រាប់ទៀតថា បើរូបគេហាត់បាននៅពេលនេះជាការល្អ គឺមានស៊ុហ្វ កម្លាំងពេញសម្រាប់ពេលប្រកួតតែម្ដង ឬនៅពេលដែលជំងឺនេះស្រាកស្រាន្តមកវិញមានន័យថាការត្រៀមខ្លួននោះបានយូរ។ មួយវិញទៀតក្នុងនាមជាអ្នកកីឡាមិនត្រូវផ្ដេកផ្ដួលជាមួយជំងឺនេះពេកទេ ត្រូវតែមានការហាត់ជាប្រចាំតាមដែលអាចធ្វើទៅបាន និងគិតថាសុវត្ថិភាព។
រំលឹកដែរថា កីឡាករ ប៊ុន សុធា កូនសិស្សលោក ធន់ សុភា នឹងត្រូវប្រកួតផ្ដាច់ព្រ័ត្រដណ្ដើមខ្សែក្រវាត់ប្រាក់របស់សង្វៀន PNN ជាមួយកីឡាករ ឃួន ឡាំកូស៊ីន ប៉ុន្តែត្រូវផ្អាកដោយសារជំងឺ COVID-19។ ចំពោះដំណឹងថានឹងត្រូវដំណើរការប្រកួតនៅពេលណានោះសហព័ន្ធមិនទាន់បានជូនព័ត៌មានឡើយ៕