- 2017-05-09 01:50:03
- ព័ត៌មាន
ហេតុផលមួយចំនួន ការ៉ាតេដូកម្ពុជាឈ្នះត្រឹមមេដាយប្រាក់និងសំរឹទ្ធនៅឥណ្ឌូណេស៊ី
- 2017-05-09 01:50:03
- ចំនួនមតិ 0 | ចំនួនចែករំលែក 0
ហេតុផលមួយចំនួន ការ៉ាតេដូកម្ពុជាឈ្នះត្រឹមមេដាយប្រាក់និងសំរឹទ្ធនៅឥណ្ឌូណេស៊ី
ចន្លោះមិនឃើញ
ព្រឹត្តិការណ៍ជើងឯកកីឡាការ៉ាតេដូអាស៊ីអាគ្នេយ៍លើកទី៦ ដែលធ្វើឡើងនៅប្រទេសឥណ្ឌូណេស៊ីនាដើមខែឧសភា ឆ្នាំ២០១៧ថ្មីៗនេះ អាចចាត់ទុកថាជាការជោគជ័យធំមួយសម្រាប់សហព័ន្ធកីឡាការ៉ាតេដូកម្ពុជាព្រោះអាចរកមេដាយរហូត៦គ្រឿង។ ទោះជាឈ្នះមេដាយបានច្រើនដូចនេះក្ដីលោក សាយ ណូរ៉ា ក៏បានលើកពីចំណុចខ្វះខាតមួយចំនួនដែលមិនអាចឈ្នះមេដាយមាសផងដែរ។
លោក សាយ ណូរ៉ា ដែលជាអនុប្រធានសហព័ន្ធកីឡាការ៉ាតេដូកម្ពុជាបានឲ្យដឹងថា សម្រាប់ការប្រកួតនៅប្រទេសឥណ្ឌូណេស៊ីកាលពីថ្ងៃទី៤-៥ ខែឧសភានេះ កីឡាករ កីឡាការិនីការ៉ាតេដូរបស់កម្ពុជាធ្វើបានល្អ ហើយនេះជាការលើកមុខមាត់និងជាមោទនភាពមួយសម្រាប់ប្រទេសកម្ពុជាផងដែរ។ ទន្ទឹងនឹងការឈ្នះមេដាយទាំងនេះលោកក៏លើកហេតុផលមួយចំនួនដែលកីឡាករ កីឡាការិនីកម្ពុជា មិនអាចឈ្នះបានមេដាយមាស មកពីកម្រិតសមត្ថភាពកីឡាករកម្ពុជានៅទាបជាងគេ។ បរិក្ខារហ្វឹកហាត់របស់ពួកគេមានគ្រប់គ្រាន់ មានទីកន្លែងហ្វឹកហាត់ត្រឹមត្រូវ និងមានគ្រូបរទេសជួយបង្ហាត់បង្រៀន ហើយកីឡាករ កីឡាការិនី របស់ពួកគេមានបទពិសោធប្រកួតច្រើនទៀតផង។ ហេតុផលទាំងនេះហើយដែលកីឡាករកម្ពុជាឈ្នះត្រឹមមេដាយប្រាក់និងសំរឹទ្ធ។
អនុប្រធានរូបនេះបន្តឲ្យដឹងទៀតថា ឥលូវនេះខាងសហព័ន្ធកំពុងពង្រឹងសមត្ថភាពបន្ថែមទៀតក៏ដូចជាបំពេញនូវកង្វះខាតផ្សេងៗទៀតជាបណ្ដើរៗហើយ ក្រោមការដឹកនាំពីឯកឧត្ដម អូន ពាន់មុន្នីរ័ត្ន ប្រធានសហព័ន្ធ ហើយនៅពេលខាងមុខនេះការ៉ាតេកម្ពុជានឹងមានគ្រូជនជាតិជប៉ុនជួយបង្ហាត់បន្ថែម។
ក្នុងព្រឹត្តិការជើងឯកកីឡាការ៉ាតេដូអាស៊ីអាគ្នេយ៍លើកទី៦នៅប្រទេសឥណ្ឌូណេស៊ី សហព័ន្ធកីឡាកីឡាការ៉ាតេដូកម្ពុជាបញ្ជូនកីឡាករ កីឡាការិនី ១២រូបឲ្យទៅប្រកួតប្រជែង ហើយក្នុងនោះកម្ពុជាឈ្នះមេដាយចំនួន៦គ្រឿងគឺ ប្រាក់២ និង សំរឹទ្ធ៤៕
