- 2017-04-15 00:27:00
- ប្រវត្តិ
កីឡាករ៧នាក់ ដែលធ្លាប់បដិសេធ មិនព្រមទៅក្លឹប Barcelona
- 2017-04-15 00:27:00
- ចំនួនមតិ 0 | ចំនួនចែករំលែក 0
កីឡាករ៧នាក់ ដែលធ្លាប់បដិសេធ មិនព្រមទៅក្លឹប Barcelona
ចន្លោះមិនឃើញ
FC Barcelona ជាក្លឹបដ៏ធំបំផុតរបស់អេស្ប៉ាញ ដែលកីឡាករជាច្រើន តែងមានក្តីស្រម៉ៃ ចង់ទៅលេងនៅទីនោះ។ ប៉ុន្តែទទឹមនឹងនោះ ក៏មានកីឡាករមួយចំនួន បានបដិសេធ មិនព្រមផ្ទេរទៅលេងទីនោះទេផងដែរ។ ខាងក្រោមនេះ ជាកីឡាករ៧នាក់ ដែលធ្លាប់បដិសេធ មិនព្រមទៅក្លឹប Barca៖
១. David Luiz៖ ខ្សែការពារក្រុម Chelsea រូបនេះ បានប្រាប់ដល់ AS កាលឆ្នាំ២០១៤ ថារូបគេធ្លាប់បដិសេធក្លឹប Barcelona មុនសម្រេចចិត្តផ្ទេរទៅក្លឹបបារាំង Paris Saint-Germain។
២. Rio Ferdinand៖ អតីតខ្សែការពារក្រុម Manchester United ធ្លាប់និយាយថា មានពេលមួយក្លឹប Barcelona បានចាប់អារម្មណ៍ខ្លួន ប៉ុន្តែរូបគេបដិសេធ ព្រោះចង់បន្តលេងនៅ Man Utd និងចង់ឈ្នះពានច្រើនទៀត ជាមួយក្រុមបិសាចក្រហម។
៣. Alessandro Del Piero៖ អតីតប្រធានក្រុម Juventus រូបនេះ ក៏ធ្លាប់ត្រូវក្លឹប Barcelona ចង់បានដែរ។ ប៉ុន្តែភ្នាក់ងាររបស់គេ បាននិយាយកាលឆ្នាំ២០១២ថា វីរបុរសក្លឹបសេះបង្កង់រូបនេះ បានបដិសេធសំណើនោះ។
៤. Koke៖ ខ្សែបម្រើរូបនេះ បានរួមចំណែកជួយឲ្យ Atletico Madrid ឈ្នះពាន La Liga រដូវកាល២០១៣-១៤ ហើយត្រូវអ្នកចាត់ការ Luis Enrique របស់ក្លឹប Barcelona ចង់បានទៅជំនួសតំណែង Xavi ប៉ុន្តែរូបគេបាននិយាយកាលឆ្នាំ២០១៤ថា ចង់បន្តលេងឲ្យ Atletico ច្រើនឆ្នាំទៀត។
៥. Thiago Silva៖ ខ្សែការពារជម្រើសជាតិប្រេស៊ីលរូបនេះ ធ្លាប់និយាយថា រូបគេបានបដិសេធក្លឹប Barcelona ២ដង កាលនៅ AC Milan ម្តង និងនៅ PSG ម្តងទៀត។
៦. Gianluigi Buffon៖ អ្នកចាំទីឆ្នើមក្រុមជម្រើសជាតិអ៊ីតាលីរូបនេះ បាននិយាយថា រូបគេជិតផ្ទេរទៅក្លឹប Barcelona កាលឆ្នាំ២០០១ ប៉ុន្តែក្រោយពិភាក្សាជាមួយឪពុកហើយ ក៏សម្រេចចិត្តម្តងទៀត ផ្ទេរទៅក្លឹប Juventus វិញ។
៧. Cristiano Ronaldo៖ មុនពេល CR7 ផ្ទេរពី Man Utd ទៅ Real Madrid កាលឆ្នាំ២០០៩ អតីតប្រធានក្លឹប Real លោក Roman Calderon បាននិយាយកាលឆ្នាំ២០១៤ ថា Ronaldo ធ្លាប់បដិសេធ Barcelona ម្តង ព្រោះរូបគេចង់លេងឲ្យតែក្រុម Real Madrid៕
