- 2016-06-08 20:27:18
- វិភាគ
គ្រូ Lee និងគ្រូតៃប៉ិ ឃើញកីឡាករខ្មែរ២នាក់ល្អជាងគេក្នុងទីលាន
- 2016-06-08 20:27:18
- ចំនួនមតិ 0 | ចំនួនចែករំលែក 0
គ្រូ Lee និងគ្រូតៃប៉ិ ឃើញកីឡាករខ្មែរ២នាក់ល្អជាងគេក្នុងទីលាន
ចន្លោះមិនឃើញ
លោក Lee Tae Hoon គ្រូបង្វឹកជម្រើសជាតិកម្ពុជា និងលោក Toshiaki Imai គ្រូបង្វឹកឆាយនីសតៃប៉ិ មើលឃើញកីឡាករកម្ពុជា២នាក់ដែលមានសមត្ថភាពលេងល្អលេចធ្លោជាងគេនៅលើទីលានគឺ ចាន់ វឌ្ឍនាកា និង កែវ សុខផេង។
កែវ សុខផេង
លោក Toshiaki Imai សរសើរសមត្ថភាពនិងទម្រង់លេងកម្ពុជា ដោយលោកមើលឃើញថាមានកីឡាករ២នាក់ ក្រឡុកខ្លាំងនៅលើទីលាន។ គ្រូបង្វឹកសញ្ជាតិជប៉ុនរូបនេះ បន្ដថាខ្សែប្រយុទ្ធ ចាន់ វឌ្ឍនាកា ជាអ្នកបង្កើតឱកាសច្រើន អបជាមួយម្នាក់ទៀត កែវ សុខផេង ធ្វើឱ្យកម្ពុជាកាន់តែមានទម្រង់ល្អថែមទៀត។ កីឡាករ២នាក់នេះ មានសមត្ថភាពគួរឱ្យកត់សម្គាល់។
ចាន់ វឌ្ឍនាកា
ដូចគ្នានេះដែរ លោក Lee គ្រូបង្ហាត់ក្រុមកម្ពុជាក៏យល់ឃើញដូចលោកគ្រូ Toshiaki ដែរ ដោយលោកជឿជាក់ថាដាក់២នាក់នេះ កម្ពុជានឹងមានឱកាសច្រើន បើទោះបីជាពួកគេមិនអាចរកគ្រាប់បាល់បានយប់មិញ តែជាអ្នកបង្កើតឱកាសសម្រាប់មិត្តរួមក្រុមដទៃទៀត។
ក្នុងវគ្គជម្រុះបឋមពានរង្វាន់ AFC Asian Cup 2019 ក្រុមកម្ពុជាបានយកឈ្នះឆាយនីសតៃប៉ិ ៤-២ ដោយគិតទាំងពីរជើង ខណៈដែលខ្សែប្រយុទ្ធ កែវ សុខផេង រកបានមួយគ្រាប់កាលពីជើងទីមួយ ។ ចំណែក វឌ្ឍនាកា ជាអ្នកបង្កើតឱកាស៣គ្រាប់ ដោយបញ្ជូនបាល់ឱ្យ កែវ សុខផេង មួយគ្រាប់ លើកបាល់ឱ្យ ហុង ផេង មួយគ្រាប់ និងបង្កើតឱកាសបាល់ពិន័យ១១ម៉ែត្រ ឱ្យប្រាក់ មុន្នីឧត្តមមួយគ្រាប់ ហើយរូបគេផ្ទាល់ក៏ជាប់ជាកីឡាករ Man Of The Match ក្នុងការប្រកួតជើងទី២ផងដែរ៕
អត្ថបទ៖ មុន្នី រម្យ