- 2015-12-13 21:13:05
- បាល់ទាត់
Ronaldo៖ "ខ្ញុំនឹក Ancelotti ណាស់"
- 2015-12-13 21:13:05
- ចំនួនមតិ 0 | ចំនួនចែករំលែក 0
Ronaldo៖ "ខ្ញុំនឹក Ancelotti ណាស់"
ចន្លោះមិនឃើញ
Cristiano Ronaldo បានបញ្ចេញអារម្មណ៍ពិតថាខ្លួនពិតជានឹកអតីតគ្រូបង្វឹក Real Madrid លោក Carlo Ancelotti ណាស់។
ប្រធានក្រុមព័រទុយហ្គាល់ បាននិយាយថា៖ "ខ្ញុំនឹកគាត់ណាស់។ ខ្ញុំចង់ធ្វើការជាមួយគាត់ម្ដងទៀត ប៉ុន្តែខ្ញុំមិនអីនោះទេ។ ខ្ញុំធ្វើការជាមួយគ្រូថ្មី ហើយក៏ខ្ញុំក៏រីករាយដូចគ្នា។ ប៉ុន្តែវាពិតជាអស្ចារ្យណាស់ដែលមានការចងចាំជាច្រើនជាមួយគាត់ (Ancelotti)"។
Ronaldo បន្ថែមទៀតថា៖ "គាត់ធ្វើឲ្យខ្ញុំភ្ញាក់ផ្អើល។ ពីដំបូង ខ្ញុំគិតថាគាត់ជាមនុស្សវាយឫក ប៉ុន្តែធាតុពិតគាត់ផ្ទុយពីនោះ។ គាត់ពិតជាអស្ចារ្យ ហើយក្ដីប្រាថ្នារបស់ខ្ញុំ គឺចង់ឲ្យកីឡាករទាំងអស់មានឱកាសបានធ្វើការជាមួយគាត់ ព្រោះគាត់គឺជាមនុស្សល្អ និងជាគ្រូដ៏អស្ចារ្យ"។
Ancelotti មិនត្រឹមតែអតីតគ្រូរបស់ CR7 ប៉ុណ្ណោះទេ ប៉ុន្តែទំនាក់ទំនងរបស់អ្នកទាំងពីរ គឺជ្រៅជាងគ្រូ និងសិស្សទៅទៀត។ ពួកគេប្រៀបដូចមិត្តភក្ដិនឹងគ្នា អំឡុងពេល២ឆ្នាំរបស់ Ancelotti នៅ Real Madrid។
បច្ចុប្បន្ន អតីតអ្នកចាត់ការក្រុម Reggiana, Parma, Juventus, AC Milan, Chelsea និង PSG រូបនេះ មិនទាន់មានក្លបបង្ហាត់ថ្មីនៅឡើយទេ ក្រោយចប់ពី Real ជាង៧ខែមកនេះ៕
ចុចអាន៖ លោក Ancelotti ចាប់អារម្មណ៍ការទៅដឹកនាំនៅ Man Utd
ប្រភព៖ Marca